Breiss
Aus Wikipedia
Breiss is a Schimpfwort, des einglich fia Norddeitsche heagnomma wead. Synonyme Schimpfwörta fia Breissn im Sinn vo Norddeitsche han no Nordliacht oda Fischkoobf. De Grundfoam Breiss ko ma ano mit andre Woerta zamdoa um de Boshaftigkeit zum verstaerkn. Recht oft wean do Woerta vom Land gnumma, "Saubreiss" und "Mistbreiss" san blos a boa. Manchmoi weads a ois glatts Gengteil vo Baia heagnumma, quasi fia olle Ned-Baian innahoib und áá aussahoib vo Deitschland. Wann's aso iaba die urspringliche Bedeitung veaallgemeinad wead, head ma a manchmoi was vom "amerikanischn Saubreis", am "japanischn Saubreis" und so weida.
Inhaltsverzeichnis |
[dro werkln] G'schicht
Da Ausdruck Breiss kimmt vo dem Voik der "Preussen" de unta Otto vo Bismarck de östareichische Voamachtsstellung im deitschn Gebiet beendt und übanomma hom. Dabei homs ziemlich des meiste nördlich vom Moan eignomma, Baian, Baden und Württemberg und da südliche Teil vom Hessen (do is nua wo südlich vom Main üwabliem) hom se zsamgschlossn dagegen.
Dea Ausdruck Saubreiss soi zwar aus dera Zeid kemma, hodt aba angeblich seine Wurzln no weida z'ruck in da Zeit wo Östareich gega Baiern Kriag gführt hodt (zur Zeit vom Napoleon I.) und de Östareicha de Baiern Saubaia nochgruafa hom ums zum drazn.
[dro werkln] Aus boarischa Sicht
 |
Dialekt: „Obaboarisch“ |  |
D' Meinunga wos a echta Breiss is genga aussananda. Vui moana d'Grenz war d'Donau, de in dem Zsammhang a ois "Weißwuascht-Äquator" bzeichnet wead. Oft werd a da Moan ois Grenz ogseng. S' gehd ned danach, wo de betroffne Person jetzad wohnt, sondan wohea's stammt. Gean wead dea Ausdruck heagnomma wenns um an Deitschn gehd, dea jetzad in Baian wohnt, koa boarisch red und vastehd und voa oim a mid da boarischn Lebnsart ned zrechtkimmt. D'Feindseligkeit gegaiaba de "Breisn" kimmt fia fui Baian vo dem Eindruck, daß d'Breissn so dean, ois ob's fui schlauã warn ois'd Baian.
[dro werkln] Aus östareichischa Sicht
|
Dialekt: „Stådt-Såizburgarisch“ | |
Aus östareichischa Sicht kau gsågt wern, dass dé Preissn in dé Gebiete wohnan dé wås aussahåib vau Åidbaian, Schwaabn, Bådn-Würtmberg (südlich vau Studtgart) san. Fir d' Östareicha san dés dé Deitschn schlecht hî. Dé Baian und dé Schwåbm (Alemannen) siagt da Östareicha im Åigemeinen åis eingständige Vöika au dé håid bei da Bundesrepubblik dabei san. Månche Östareicha, Baian und Südtirola dádns néd schlecht findn wånn aus Åidbaian, Östareich und Südtiroi a sognånnte "Åipmrepubblik" entstêh dád - weil dés håid kulturell und mentalitätsmäßig guad zåmmpassn dád.
