Gerhard Polt
Aus Wikipedia
 |
Der Àrtikl is im Dialekt „Obaboarisch“ gschriem worn. | |
Da Gerhard Polt (* 7. Mai 1942 in Minga) is a boarischa Kabarettist, Autor, Fernseh- und Fuimschauspiela.
[dro werkln] Karriere
Sei Karriere hod a mi anna Hörspuiproduktion vom Hessischn Rundfunk ogfanga. Da Nama von dera Produktion war "Als wenn man ein Dachs wär’ in seinem Bau. Do hod a mehr ois 30 vaschiedne Leid gschpuid, de durch Maßnahmen zua Stodtsanierung aus ihrer Umgebung (Amalienstraße in Minga) vadriebn werdn.
Sein erstn Bühnenaufdritt hod da Polt 1975 mit m Kabaretprogramm vo da Gloana Nachtrevue in da Kloana Freiheit z Minga ghobt.
Bekannt worn is a mit seina zweifteilign Sketchreihe Fast wia im richtigen Leben vom Boarischn Rundfunk ausm Jahr 1979. Sei Partnerin in dera Sendungsreihe war Gisela Schneeberger. Spada hoda neba vershiedensten Sketchproduktionen für Fuim, Heafunk und Heaspiele a baar Kinofuime gmacht (Kehraus, Man spricht deutsch, Germanikus).
Sei wichtigsta Parner bei de Broduktiona war da Hanns Christian Müller, der eahm oft ois Co-Autor und Komponist zur Seidn gstandn hod. Außerdem is da Poit oft mid da Musikgruppn Biermösl Blosn aufdrättn.
[dro werkln] Lem
Da Poit is ois Sohn vo am Rechtsanwoid im Woifahrdsord Oideding und in Minga aufgwachsn. Er hod Skandinavistik und Oidgermanistik in Göteborg und Minga studierd. Heid wohnd a in Neihaus (Gemeinde Schlieasä).
[dro werkln] Preise
- 1980 Deitscha Gloakunstpreis in der Spartn Kabarett
- 1982 Adolf-Grimme-Preis in Suiber
- 1984 Deitscha Darstellerpreis
- 1989 Goidner Gong fia Fast wia im richtigen Leben, zamma mit Gisela Schneeberger und Hanns Christian Müller
- 2000 Göttinger Elch fia sei Lemswerk
- 2001 Jean-Paul-Preis
- 2002 Heimito-von-Doderer-Preis
- 2002 Prix Pantheon – Sondapreis Reif & Bekloppt
- 2004 Friedestrompreis
- 2005 Enthüllung von am Stern im Mainzer Walk of Fame des Kabaretts vorm Unterhaus in Mainz durch an Bundeskanzler Gerhard Schröder
- 2006 Kasseler Literaturpreis fia grotesken Humor
- 2007 Großer Karl Valentin - Preis
- 2007 Ehrenpreis vom Wettberwerb Tegtmeiers Erben
