Mindaheitn in Östareich
Aus Wikipedia
 |
Der Àrtikl is im Dialekt „Såizburgarisch“ gschriem worn. | |
| Kårtn: Voiksgrubbm | |
|---|---|
 |
|
| Språchn | |
| Daitsch | 7,115.780 |
| Ãnakãnnte Mindaheitnspråchn | Sprechazåih |
| Ungarisch | 40.583 |
| Slowénisch | 24.855 |
| Windisch (Slowenischa Dialekt) | 568 |
| Burnglãndkroàtisch | 19.412 |
| Tschechisch | 17.742 |
| Slowakisch | 10.234 |
| Romani | 6.273 |
| Östareichische Gebärdnspråch | 9.000 |
| Ausgwöihde weidare Språchn | Sprechazåih |
| Serbisch | 177.320 |
| Kroàtisch | 131.307 |
| Bosnisch | 34.857 |
| Türkisch | 183.445 |
| Englisch | 58.582 |
| Poinisch | 30.598 |
| Albànisch | 28.212 |
| Italienisch | 10.742 |
| Frãnzösisch | 10.190 |
| Mazedonisch | 5.145 |
| Griechisch | 3.098 |
| Kurdisch | 2.133 |
|
|
|
| 1. Ãgeemne Umgãngsspråch vô da östareichischn Wohnbevökarung. → Nåch da Ãsicht vô d' Mindaheitnvatreta fihrt der Umstãnd zua âna Untaschätzung vô da wirklichn Zåih vô d' Språchmitgliada. → insgsãmt redn 343.484 Laid an Serbo-Kroatischn Dialekt. 2. Quöin: Voikszählung 2001 |
|
In Östareich gibt 's neem da daitschspråching Voiksgrubbm, dé d' Mehrheit vô da Bevökarung stöit à no autochtone Voiksgrubbm (ungefähr 4% vô dé östar. Stååtsbürga), dé seid Jåhrhundatn im Lãnd und in gschlossene Siedlungsgebiete bzw. in Språchinsln in Östareich leem. Dé Voiksgrubbm redn eana jeweilige Språch, beherrschn åwa zu âna Merheit à d' Daitsche Språch; san åiso zur Merheit zwàspråchig. Da Stàtus vô d' Voiksgrubbm is vafåssungs- und vökarechtlich åbgsichat. D' Voiksgrubbm entsendn Vatreta in 'n Östareichischn Voiksgrubbmbeiråt.
Zua dé autochtonen Voiksgrubbm kemman seid d' 60a Jåhr diejening Stååtsbürga vô Östareich dé an Migrazionshintagrund håm und déswéng néd åis autochtone z' klassifiziarn san.
Inhaltsverzeichnis |
[dro werkln] Mindaheitn
[dro werkln] Ãnerkãnnte Mindaheitn
In Östareich san voignde Mindaheitn åis autochtone Voiksgrubbm ãnerkãnnt:
- Kärntna Slowénen
- Steira Slowénen (seid 2004)
- Burnglãndkroàtn
- Burnglãndungarn
- Roma und Sinti
- Weana Tschechn
- Östareichische Slowakn
[dro werkln] Weitare autochtone Mindaheitn
Weitare autochtone östareichische Mindaheitn, åwa bis haid no néd åis autochtone Voiksgrubbm ãnerkãnnt san:
- Östareichische Poin
- Östareichische Jenische
[dro werkln] Gschicht
D' Ãsiedlung vô d' Burngländischn Kroàtn in d' dåmåling Gebiete vô da östareichisch-ungarischn Monarchie (Westungarn, in Niadaöstareich, in da Südslowakei und in Südmährn) håd in mehrare Wöin bis zum Jåhr 1584 erfoigt. Zum Beginn vôm 17. Jåhrhundat håm in dém Gebiet etwoa 120.000 Kroàtn, dés håd am Bevökarungsãteil vô 25 - 28 % endsprochn, glebt. Währnd da Géngreformazion håm d' Kroàtn a eingständige regionàle Schriftspråch entwiggét. Durch 'n Stååtsvatråg vô Trianon (1921) håd sé Ungarn zur Åbtretung vô Westungarn ãn d' Repubblik Östareich vapflichtt. Nåch 'm Ãschluss vô Östareich ãn 's Dritte Reich san d' kroàtischn Vareine sowia da kroàtische Untaricht in d' Schuin vabotn worn. 's Burnglãnd is sowoih in da Erstn Repubblik sowia in da Zwoatn Repubblik a wirtschåftlichs Krisngebiet gwesn. In da Erstn Repubblik san vüi Burnglända nåch Amerika ausgwãndat, während in da Zwoatn vüi Årweit in d' Bållungszentren gsuacht håm (dådrunta à vüi Burnglãndkroàtn).
Seid 'm Beginn vôm 17. Jåhrhundat håm sé étliche poinische Fàmilien in da Reichshauptstådt Wean ãgsiedlt. D' erstn ponischn Vatretungsorganisazionen san mid 'm End vôm 19. Jåhrhundat in Wean gründt worn. D' greßte Vatretaorganisazion „Strzecha“ håd ihr Tätigkeit kontinuiarlich bis haid dahåidn und ausbaut. D' Poin is bis haid da Voiksgrubbmstàtus néd ãnerkãnnt worn.
D' naialiche slowakische Besiedelung vô a påår niadaöstareichische Derfal ãn da Màrch is im 16. Jåhrhundat erfoigt. In dé Derfal håd sé d' ursprüngliche slowakische Språch zum Teil bis haid dahåidn. Da Zuazug vô d' Slowakn in d' Reichshauptstådt Wean håd sé bis zur Türknbelågarung vô Wean auf Âzlpersonen beschränkt. Danåch håd sé da Zuazug vastärkt und es san åb 'm Jåhr 1835 d' erstn slowakischn Vareine gründt worn. Vur åim seid da sãmtnen Rewuluzion in da dåmåling ČSSR is 's zua am Wiedaaufleem vô da slowakischn Voiksgrubbm in Wean kemma.
Dé erstn Hîweise auf tschechische Ãsiedla in Wean beziang sé auf d' Regentschåft vôm Kénig Přemysl Ottokar II. im 13. Jåhrhundat. Åb da Mittn vôm 19. Jåhrhundat san d' erstn tschechischn Vareine in Wean gründt worn. Mid 'm End vôm 19. Jåhrhundat håm üwa 200.000 Tschechn in Wean glebt. Da greßte Teil vô eana is nåch da Gründung vô da Tschechoslowakei im Jåhr 1918 zrugg reimigriart. Währnd da NS-Zeid san d' tschechischn Vareine aufglöst worn und d' Ãghering vô da Voiksgrubbm san âna màssivm politischn Vafoigung ausgsétzt gwesn. Es håm drei tschechische Wiedastãndsgrubbm in Wean existiart.
