Semmeknedl

Aus Wikipedia

Featig kochte Semmeknedl: Des greane is d'Bädasui, de braunan Stickal kemman vo da Semmekrustn

Fia Semmeknedl wean oidbachane Semmen in Scheim gschnittn, in Muich eigwoakt und zam mit am Oa, Zwiebe und Bädasui zu am Doag vararbat. Do draus wean na ungfea handgrouße Knedl draaht, de in hoassm owa ned kochadm Soizwossa gsiadt wern.

[dro werkln] Vawendung

Semmeknedl san a typische Beiloog in da boarischn Kich, beispuisweis zuaram Schweinsbronn, zuaram Gulasch oda mid Schwammerl in Rahmsoß. Fia gresde Knedl wean iwabliemne Semmeknedl oissa koide in Scheimm gschnittn und mid Oa in da Pfann oobrodn. Essigknedl macht ma aa aus koide, in Scheim gschnittne Semmeknedl, do weans mid Essig, Öl, Soiz, Pfeffa und Zwiefe wiara Salod oogmacht.

[dro werkln] Vawandtschaft

Da behmische Bruada vo de Semmeknedl is da Serviettnknedl. Da Untaschiad is haptsechle, dass de Serviettnknedl inara Serviettn odaram Gschiatiache kocht wern, und dass a guada Teil Mäih im Knedldoag drinad sei ko.