Staffa
Aus Wikipedia
 |
Der Àrtikl is im Dialekt „Rupertiwinklarisch“ gschriem worn. | |
Da Staffa (1771 m) is oana vo de Hausberg vo de Reichahoia und da Hausberg vo Aufham und gheart zua Staffagruppn, de wiedarum zua de Cheamgaua Oipn dazuagheart. Direkt undan Gipfe is as Staffahaus oder aa Reichahoia Haus, a Hüttn vom Reichahoia Oipnverein, de wo aa a Wirtschaft und a Unterkunft is. Direkt då is aa a kloane Kapejn. Des eisane Gipfekreiz is vo 1853.
[dro werkln] Staffagruppn
De Staffagruppn, des fejsige Bergmassiv, streckt se viigipfig und 10 km lang hi vo Piding an Ostn bis Inzej an Westn. Der Gipfezug fangt im Ostn ois gacha Woidbugl o an Fuadaheiberg, an Hausberg vo Staffabruck und Piding, as Gipfekreiz steht auf dem 1317 m houhan Fuadaheistoa, obwoi no Woidbugl no häha is. Geographisch hoaßt er Vordastaffa.
Vo dem ziaght a Fejsgråd (Ostgråd) zum eigantlichn Staffa (Standdartdeitsch Hochstaufen) auffe (1771 m) und dann weida und wieder åwe iban Mittlstaffa (1618 m) und an groußn Rieß, de Roßkarschartn, geht's ibe zua de Staffa-Gipfén, Zenokopf (1756 m) und da Zwiesl (1781 m). Dia zwoa han nåh beinand und ma hoaßt's aa Hintdastaffa. Der Zwiesl ist die hächste Gipfe vo da ganzn Gruppn. Mit oan schmoiann Gråd kimt dann no da westliche Eckpfeila vo da 10km langan Bergkettn, da Gamskoge (1750 m) und herd af mitm Scharnkopf (1355 m), der staj und fejsig zum Weißbåch åbricht.
