Trentino-Sidtiroul

Aus Wikipedia

Der Àrtikl is im Dialekt „Sidtiroularisch“ gschriem worn.

Trentino-Sidtiroul (italienisch Trentino-Alto Adige, bis 1972 Trentino-Tirouler Etschlond) isch die nördlichschte Region va Italien. Sie isch 13.607 Quadratkilometa groaß und hot rund 980.000 Einwouner. Die Londschoft isch schtork durch die Olpn gepräg, bsunders von die Dolomitn. Dor Hauptfluss isch die Etsch, auf de a der italienische Nome von Sidtiroul zrugggeat ("oubers Etschlond").

[dro werkln] Politik und Rechtsschtatus

Haupstodt von der Region isch Treant, die Funktionen von der Hauptstodt (Togungsort vom Regionalrot und Verwoldungssitz) toaln sich Treant und Boazn.

Die Region beschteat aus die zwoa autonomen Provinzn Sidtiroul und Trentino.

Die Region hon an Sonderschtatus. Dor sell garantiert a weitgehende Autonomie: in dor Gsetzgebung, in dor Verwoltung (Schual, Gsundheit), in die Finanzn. Dor Groaßtoal von de Kompetenzn von dor Region isch ober an die Provinzn ibertrogn gwurdn.

Dor Fortbeschtond von dor Region isch rechtlich und politisch gsichort: Af dr oan Seit isch die per Verfossungsgsetz und Stootsvertrog mit Öschterreich ogsegnete Sotzung (Verfossung) von der Region Grundlog von dor Sidtirouler Autonomie. Und dorzua isch in dr Verfossung von Italien veronkert: Die Provinzn Trentino und Sidtiroul bildn die Region (Art.116, Abs.2).

Defakto sein die zwoa in dr Region veroantn Provinzn als separate Regionen betrochtet: So werdn zum Beischpiel in die europäischn Schtatischtiken die zwoa Provinzn als oanzelne Regionen aufgfiart.

Die Hauptwirtschoftszweige sein Londwirdschoft und Fremdenverkear, Induschtrie gibs lei rund um die greaßern Schtädt.

Doe Region keart zu die wohlhobendschten in Italien und in Europa (Bruttoinlåndsprodukt pro Koupf ibor 30.000 Euro) und hot oane von die niedrigschtn Orbeitslosnzohln in Italien und Europa (untr 3 Prozent).