Doblėns

Straipsnis ėš Vikipedėjės, encikluopedėjės žemaitėškā.

Doblėns
Vazids nu opes
Valstībė:	Airėjė
Mers:	-
Gīventuojū (2006):	505 739
Pluots:	114,99 km²

Doblėns (airėška - Baile Átha Cliath, ong. Dublin) - Airėjes Respoblėkas suostėnė ė magtīngeusės miests, veik vuora ė jūras oustā, miests īr rītėnie Airėjes saluos posie.

[taisītė] Ėstorėjė

Doblėna herbs

Ofėcėjalė Doblėna ėkūrėma data īr 998 metā, bet pėrmuojė leika miests pamėnavuots 140 mūso eras metās, kūmet Doblėna gīvenvėitė bova vadėnama Eblana.

Vėkingā bova pėrmėjē miesta prietelē. Ton fakta ėruoda arkeolougėnē kasėnėjėmā Wood Quay, šalėp miesta centra, kor rasta vėsuokio ėronkio, sėino ėr nomu griovėsio.

IX omžiou Doblėns bova ožjīmts dano. Airē lėikās ožjīimdava miesta, bet naėlgam. 1171 metās danus ėšvarė onglā, katrėims vadovava Henrės II.

Lėgė XVII omžeus vėdore Doblėns mėnavuojams, kāp mėnkos vidoromžiu miestalės. Bet 1649 metās, pu Onglėjes pėlėitėne kara miesta bova ožgroubės Olėverės Kromvelės. Tuon meto Doblėne gėvena aple 9000 prieteliu.

XVII omžeus pabėnguo miests pradėje plėistės. Glava ton priežastės bova protėstantu pabėgėlē ėš Euroupas. XVIII omžeu Doblėns grētā auga. XVIII omžeus pabėnguo Doblėns aplėka untruojo vagol dėdoma miestu Brėto ėmperėjuo.

Paskelbos Airėjes naprėgolomībė, 1922 m. Doblėns palkėka šalėis suostėne, koltūras, akanoumėkas ė polėtėkas centro.

[taisītė] Klėmats

Vėdotėnė temperatūra (rauduona), vėdotėnės krėtoliu kėikės

Doblėnė vīraun jūrėnės klėmats, kor žėimas īr šėltas, o vasaras - vėises.

Žėima daugeusē līn, aba ēn šalpdrėba. Šlapdrėba gal testėis nu lapkrestė lėgė balūndė. Snėigs vėdotėnėškā įšsėlaika 4-5 dėinas par matos.

Mėinou^[1]	Sau	Vas	Kuo	Bal	Geg	Bėr	Lėi	Rog	Sie	Spa	Lap	Gro	2005-2006 metā
Vėdotėnė aukšta	8^°C (46^°F)	8^°C (46^°F)	10^°C (50^°F)	13^°C (55^°F)	15^°C (59^°F)	18^°C (64^°F)	20^°C (68^°F)	19^°C (66^°F)	17^°C (63^°F)	14^°C (57^°F)	10^°C (50^°F)	8^°C (46^°F)	13^°C (56^°F)
Vėdotėnė žema	1^°C (34^°F)	2^°C (36^°F)	3^°C (37^°F)	4^°C (39^°F)	6^°C (43^°F)	9^°C (48^°F)	11^°C (52^°F)	11^°C (52^°F)	9^°C (48^°F)	6^°C (43^°F)	4^°C (39^°F)	3^°C (37^°F)	6^°C (42^°F)
Vėsa krėtouliu	67 mm (2.6")	55 mm (2.1")	51 mm (2")	45 mm (1.7")	60 mm (2.3")	57 mm (2.2")	70 mm (2.7")	74 mm (2.9")	72 mm (2.8")	70 mm (2.7")	67 mm (2.6")	74 mm (2.9")	762 mm (29.5")

[taisītė] Transports

Tramvajos Doblėne

Šeurėnie miesta posie vėik ėnternacėjonalėnes Doblėna vora ousts (airėška - Aerfort Bhaile Átha Cliath), keltās pōikos sosėsėikėms so Lėverpolio ė Holėhedo. Išvystyta mašinų, metalo, maisto, tekstilės, siuvimo pramonė, laivų statyba, alaus pramonė (garsioji „Guiness“ aludarių kompanija).

[taisītė] Viešasės transports

[taisītė] Kelėivėnes

Daug Doblėna gyventojo keliau so kelėivėnėm. Miesta kelėivėnes valdo bendruovė Bus Átha Cliath (Dublin Bus), katra tor aple 200 autobuso. Naktėis meto Doblėnė tēpat važiou kelėivėnės, bet retiau ė tėk tam tėkruom krītėm rečiau. Naktėnės kelėivėnės žīmėmas N, pvz. kelėivėnė 39, naktėis meto būn 39N.

[taisītė] Traukėnē (Dartā)

Miestėnē Traukėnē Doblėnė vadėnamė terp prieteliu Dartās (nu DART). Anie īr dėdlė patuogė transporto prėimonė, prietelems, katrėi važiou ėš Doblėna primiestio ė centro.

[taisītė] Tramvajā

Doblėnė vėik tramvajā, katrie, ėr katrū lėnėjės vadėnas LUAS.

[taisītė] Rīšē

Doblėns īr Airėjes naujīnu ė rīšio centrs. Mieste vėik daug laikraštiu, radėjė stoutiu, telekomunikacėjo kompanėjo centrėnio būstėnio. Teppat čė vėik svarbeusė Airėjes pašta (An Post) ė telekomunikacėjo bendrovio Eircom, Vodafone, o2 centrėnes būstėnes ė glabnėjė infrastoktūras objektā.