Florian Cenôwa

Z Wikipedia

Florian Cenôwa (pl. Florian Ceynowa) ùrodzył sã 4 môja 1817 rokù w Sławòszënie w pùcczim krézu, a ùmôrł 26 strumiannika 1881 rokù w Bùkòwcu kòl Swieca. Kaszëbsczi nôrodny dzejôrz, badéra fòlkloru ë kaszëbsczégò jãzëka, ùsôdzca kaszëbsczi gramaticzi ë wielu kaszëbskòjãzëcznëch pismionów.

Do gimnazëjô ùczãszczôł w Chónicach, tam téż przënôlëżôł do krëjamnygò kòła filomatów. W 1841 rokù zapisôł sã na mediczné sztudia Wrocławsczégó Ùniwersytetu. W tim czasu bëł to wôżny słowianofilsczi môl. W latach 1843-1846 sztudirowôl dali w Królewcu. W 1848 kòmandérowôł kaszëbsczima ë kòcéwsczima pòwstańcama. Pò nieùdarzonym napódzé na prusczi garnizón w Starogardze, òstôł skazóny na karã smiercé za zdradã stanu, jakô òstała zamienionô na dosmiertną sztarfã. Sédzôł wprzód w sôdze w Starogardze, pózdni w Bërlënie, tuwò téż òb czas Strumiannikòwi rewòlucëjë 1848 òstôł òbłaskawiony. Chcôł nazôd sztudirowac w Królewcu le nié dostôł zgòdë ë skùńcził medicëna, z titlã dochtóra, w 1851 w Bërlënie.

[edicëjô] Ùsôdztwò

Wiléjá Noveho Roku, Jutrzenka. Przegląd słowiański, Warszawa, 1843
Szczōdráki, Jutrzenka. Przegląd słowiański, Warszawa, 1843
Die Germanisierung der Kaschuben (Germanizacëjô Kaszëbów), Jahrbücher für slawische Literatur, Kunst und Wissenschaft. I. Jahrg. 1843
Kaszebji do Pólochov. Njech mdze póchvoloni Jezus Christus,Szkoła Narodowa, nr 1-11 1850 Chełmno
Kile słov wó Kaszebach e jich zemi przez Wójkasena. Tudzież rzecz o języku kaszubskim ze zdania sprawy Prajsa.Krakòwò, 1850
Xążeczka dlo Kaszebov przez Wojkasena, 1850 Gduńsk
Mały zbiór wyrazów kaszubskich, mających większe podobieństwo z językiem rosyjskim aniżeli polskim, 1850
Rozmôwę Pôlocha z Kaszebą, 1850 Gduńsk
Skôrb kaszébskosłovjnskjé mové, 1866-1868 Swiece, 1879 Pòznań (?) - 13 numerów pierszegò kaszëbsczegò pismiona
Trze rozprave przez Stanjisława, wóras Kile słov wó Kaszebach e jich zemji przez Wojkasena, 1851 Krakòwò
Zarés do grammatikj kasebsko-slovjnskjé mòvé, 1879 Pòznań
Móje spóstrzeżenjo prze przezeranju wuvog Ismaela Sreznjevskjeho nad mówą kaszebską,w: Gryf IV, 1912