Казаков Николай Нилович
Википедири материал
Казаков Николай Нилович, — чăваш кĕвĕçи. Чăваш Енĕн Тăвай районĕнчи Тăрмăш ялĕнче çуралнă.
[тӳрлет] Кун-çулĕ
Вăтам шкулта Николай духовом? оркестрта трубапа кларнет каланă, Тăвайри ачасен музыка шкулěнче фортепианăпа вěреннě.
Вăтам шкул хыççăн, Чăваш патшалăх педагогика институчĕнчи музыкăпа педагогика факультетне вěренме кěнě. Çав вăхăтрах Шупашкарти Ф.П.Павлов ячěллě музыка училищинче, А. Г. Васильев патěнче (кунта "Ялта" сюита ", фортепиано валли вариацисем кěвěленě) вěреннě. 1981-1986 çулсенче Хусанри консерваторинче, А. Б. Луппов профессор класěнче композиципе ăсталăх илнě. 2-мěш курсра Пěтěм Раççейри çамрăк кěвěçěсен ăмăртăвěнче çěнтернě, унта "Веселые картинки" ачасен хорě чăваш поэчěсен сăввисем çине кěвěленě пилěк пайлă сюита юрланă. Консерватори хыççăн Чăваш кěвěçěсен ушкăнěн консультанчě пулса вăй хунă, кайран Чăваш патшалăх М.Çеçпěл ячěллě ачасен (ТЮЗ) театрěн музыка пайěн ертӳçě. Композитор 1988 çултанпа СССР (халě Раççей) кěвěçěсен ушкăнěнче, Чăваш Республикин Аслă Канашăн депутачě (1990), Чăваш Республикин искусство тава тивěçлě ěçченě (2003). Халĕ Н.Н. Казаков Чăваш кĕвĕçĕсен пĕрлешĕвĕн ертӳçи, Чăваш патшалăх филармонийĕн директорĕ.
[тӳрлет] Ěçěсем
Н. Казаков чăваш эстрада юррисен жанрěнче ěçлет: солистсем тата вокалпа инструменталлă ансамблěсем валли нумай юрă çырать. Концертсенче хăй те юрлать. Драма театрěсемпе те ăнăçлă тăрăшать. Унăн кěвисемпе Чăваш патшалăх академи драма К.В. Иванов ячěллě театрěнче "Айдар" тата "Ежевика вдоль плетня", Чăваш патшалăх М.Çеçпěл ячěллě ачасен (ТЮЗ) театрěнче - "Бесприданница", "Ужин после полуночи" пьесисене лартнă.
