Ока (юханшыв)
Википедири материал
Ока (çавăн пекех чăвашсем ăна Хура Атăл та тенĕ), — Атăлăн сылтăм юппи. Тăршшĕ 1500 çухрăм. Бассейн лаптăкĕ 245 пин км2.
Юханшыв Орёл, Тула, Калуга, Мускав, Кисан, Владимир, Чулхула облаçĕсем тăрах юхать. Çăлкуçĕ Орёл облаçĕнчи Александровка ялĕ патĕнче вырнаçнă. Чулхулара Атăла юхса кĕрет.
Тупмалли |
[тӳрлет] Этимологи
Ячĕ епле пулса кайнине тĕплĕн татса пама халĕ пултараймаççĕ. Чи анлă сарăлнă верси тăрăх ячĕ балтинчен (литва чĕлхинчи aka — «çăлкуç»), е финсенчен (joki — «юханшыв»). ВЫрăссем ку тăрăха киличчен çӳлти юхăмĕн тăрăхĕнче балт йăхĕсем (полехсем), вăтам юхăмĕнче финн йăхĕсем (мещёрсем, муромсем) пурăннă.
[тӳрлет] Хуласем
Ока хĕрринче çак пысăк хуласем вырнаçнă: Орёл, Калуга, Алексин, Серпухов, Ступино, Коломна, Кисан, Касимов, Муром, Павлово, Дзержинск, Чулхула.
[тӳрлет] Юпписем
Юханшывăн чи пысăк юпписем: Зуша, Упа, Жиздра, Угра, Протва, Мускав, Проня, Пара, Пра, Гусь, Мăкшă, Клязьма, Беспута.
