Петĕр Петти

Википедири материал

Петĕр Петти (Михайлов Пётр Петрович), — чăваш çыравçи, сăвăçи. 1965 çулхи пуш уйăхĕн 27-мĕшĕнче Чăваш Енĕн Вăрнар районĕнчи Уйкас Кипек ялĕнче çуралнă.

Чăваш Енĕн тава тивĕçлĕ культура ĕçченĕ.

[тӳрлет] Кун-çулĕ

Петĕр Петти хресчен çемйинче çуралнă. Вăрман Кипекри вăтам шкултан вĕренсе тухнă хыççăн, 1982 çулта, И.Н. Ульянов ячĕплĕ Чăваш патшалăх университечĕн историпе филологи факультетне пĕлӳ илме кĕнĕ. 1987 çулта алла диплом илнĕ çамрăка Куславкка районĕн «Ялав» хаçатне ĕçлеме яраççĕ. Çав çулах республикăри ачасен «Пионер сасси» (хале «Тантăш») хаçатне ĕçлеме куçать. Халĕ асăннă хаçатăн право, кăмăл-сипет пайĕн редакторĕ, чăваш çамрăкĕсен «Самант» журналăн редакторĕ.

[тӳрлет] Ĕçĕсем

Ун калемĕ айĕнчен сахал мар сăвă, юрă, поэма, тĕрленчĕк, очерк, калав, повесть тухнă. Район хаçатĕнче, республикăра тухса тăракан хаçатсенче, «Ялав», «Тăван Атăл», «Сил çунат», «Самант» журналсенче пичетленнĕ.