Ураскилтри вăтам шкул
Википедири материал
Ураскилт вăтам шкулĕ
[тӳрлет] Истори
Чĕмпĕр хулинче упранакан архив хучĕсем тăрăх И. Н. Ульянов çулсерен çырса пынă тĕрĕслев ĕçĕсенчен Ураскилт шкулне 1869 çулта уçни паллă пулать. П. Алицев вĕрентӳçĕ «Ульянов уçнă шкул» статьяра («Ленин çулĕпе» 1969 , раштав, 25) И. Н. Ульянов Ураскилт шкулне уçнине тата çак ялта вăл виçĕ хутчен пулнине çирĕплетсе çырать. Г. К. Терентьев тăван ен тĕпчевçи «Ураскилт шкулĕ» статьяра ((«Ленин çулĕпе» 1990, пуш, 22) Ураскилт шкулне 1869 çулхи кăрлач, 12 уçни çинчен çырса кăтартать. Ураскилт училищин пĕрремĕш вĕрентӳçи пулма Кăрмăш хулинчи хĕрарăмсен училищинчен вĕренсе тухнă Агриппина Александровна Зеленцовăна лартнă.
Вăл кунта шăпах 20 çул, 1889 çулхи чӳк, 15- мĕшĕччен ĕçлет Çакна 1890 çулта П. Лаговский тĕрĕслекен çырнă пĕр ĕç хучĕ те çирĕплетет:
«… Преподавание прочих предметов до 15 ноября 1889 года велась старой учительницей А. Зеленцовой, а по увольнению ее от должности за выходом ее в замуж, с 15 ноября вновь назначена вместо нее, из окончивших в Симбирском Епархальном женском училище учительница Воскресенская».
Илья Николаевич Ураскилт шкулне пулăшас шутпа çине тăрса тăрăшнă. Унăн пулашăвĕпе шкулта вулавăш çĕнĕ кĕнекесемпе пуянланса пынă. Çĕнĕ литературăна Чĕмпĕрти Карл Юргенсăн кĕнеке лавккинчен çырăнса илнĕ. Илья Николаевич ачасене ĕçе хăнăхтарасси çине пысăк тимлĕх уйăрнă. Ураскилтре ирттернĕ пĕр тĕрĕслевре вăл вĕрентӳçĕне шкул çурчĕ йĕри-таврайывăçсем лартса иухма сĕннĕ. Çакăнпа ачасем хаваслансах килĕшнĕ, кĕçех шкул умĕнче йывăç-курăк ешерме тытăннă. Илья Николаевич Ульянов чăваш шкулĕсенче Иван Яковлевич Яковлевпа пĕрле çӳреме юратнă. Чĕмпĕр шкулĕнче вĕреннĕ И. Н. Никифоров, юлашки вăхăтра элек районĕнче пурăннăскер, Элĕк шкулне И. Н Ульянов И. Я. Яковлевпа пĕрле килнине астăвать. Çавăн чухне икĕ çутĕç ĕçченĕ Ураскилтри шкула та кĕрсе тухнă теме те пулать.
