Шупашкарти В.И. Чапаев ячĕллĕ сквер
Википедири материал
В.И. Чапаев ячĕллĕ сквер, — Шупашкарăн Ленин районĕнче вырнаçнă сквер. Ленин проспекчĕпе юнашар вырнаçнă.
Шупашкар хулин чи çамрăк скверсенчен пĕри.
Çулла кунта фонтансем ĕçлеççĕ. В.И. Чапаев музейĕ юнашар ларать. Ку сквер хулара пурăнакансемпе тĕп хула хăнисемшĕн питĕ паллă вырăн. Кунта çынсем ялан йышлă.
[тӳрлет] Истори
Сквера йĕркеличчен кунта малтан колхоз уй-хирĕ пулнă, вĕсем урлă Канаш-Шупашкар аслă çул иртнĕ. Сквера уçасси, чечек клумбисем, унти çулсене тăвасси Чапаев палăкне уçассипе пĕрле пулса пынă. Малтан ку палăка Çĕнтерӳ лапамĕнче лартма палăртнă пулнă. Анчах та кайран унта Ленин палăкне лартнă, Чапаев палăкне вара Чапаев скверне лартнă.
Сквера ешĕл тум тăхăнтарассишĕн темиçе çул тăрашма тивнĕ. Кунта 448 тĕп тĕрлĕ йывăç лартнă.
1974 çулхи çу уйăхĕн 9-мĕшĕнче кунта В.И. Чапаев музейне уçнă. 1986 çулта пĕр хутлă музей çумне Чапаев çемьин çуртне куçарса килнĕ.
