Yr Etifedd Coll
Oddi ar Wicipedia
Nofel i blant yn eu arddegau gan Edward Morgan Humphreys, a gyhoeddwyd yn 1924 gan The Educational Publishing Company, Caerdydd. Teitl llawn y nofel yw,
- YR ETIFEDD COLL / Hanes Ymchwil / Edward Prichard.
Nofel antur ydyw, ar seiliau ystrydebol braidd, sy'n adrodd hynt a helynt Cymro ifanc a'i anturiaethau yng Nghymru ac ar y môr yng Canolbarth America wrth iddo geisio cael hyd i'w frawd hŷn sydd wedi cael ei amddifadu o'i etifeddiaeth gan gyfreithwyr cnafaidd. Mae'n cael ei ddilyn gan asiantiaid ffiaidd y cyfreithwyr sy'n gwneud eu gorau glas i rwystro'r arwr. Er bod prif thema'r nofel wedi bod yn gyfarwydd mewn ffuglen boblogaidd ers y 19eg ganrif a bod rhai elfennau yn amlwg wedi'u benthyg o Robinson Crusoe a Treasure Island, yn nwylo E. Morgan Humphreys mae'n fframwaith i gyfres o anturiaethau a golygfeydd sy'n ffres a llawn dychymyg ac mae'r nofel yn bleser i'w darllen.
[golygu] Darllen Pellach
- Edgar Jones, yn Y Llenor (Gwanwyn, 1925; adolygiad)
- R. Williams Parry, yn Welsh Outlook (Mai, 1925; adolygiad)
| E. Morgan Humphreys |  |
|---|---|
| Ceulan y Llyn Du | Dirgelwch Gallt Y Ffrwd | Dirgelwch yr Anialwch | Yr Etifedd Coll | Y Llaw Gudd | Llofrudd yn y Chwarel | Rhwng Rhyfeloedd | |
