Ysgol Gymraeg yr Urdd
Oddi ar Wicipedia
Ysgol Gymraeg yn Aberystwyth ydy Ysgol Gymraeg yr Urdd, neu Ysgol Gymraeg Aberystwyth fel adnabyddir hi heddiw. Sefydlwyd gan Syr Ifan ab Owen Edwards yn 1939 fel ysgol breifat. Agorwyd yr ysgol yn mis Medi 1939 dan nawdd Urdd Gobaith Cymru. Y brifathrawes oedd Norah Isaac. Bu ei sefydlu yn drobwynt yn hanes addysg yng Nghymru gan iddi arloesi'r maes a bod y gyntaf o lawer o ysgolion Cymraeg a sefydlwyd wedi hynny, y rhan fwyaf ohonynt gan Awdurdodau Addysg lleol.[1]
Y prifathro ar hyn o bryd yw Mr. Clive Williams. Ymysg cyn-ddisgyblion yr ysgol mae Aled Haydn Jones, cynhyrchydd BBC Radio 1. Bu'r awdures Mary Vaughan Jones yn athrawes yn yr ysgol am gyfnod rhwng 1953 ac 1958.
Dechreuodd yr ysgol gyda ond 7 o ddisgyblion, ond mae hyn wedi tyfu i 350 heddiw, ehangodd yr ysgol lawer yn ystod yr 1980au a'r 1990au pan ddechreuodd rhieni weld gwerth addysg ddwyieithog.[1] Er y gall 95% o ddisgyblion yr ysgol siarad y Gymraeg i safon iaith gyntaf, dim ond 65% daw o gartrefi lle mae Cymraeg yn brif iaith.[2] Heddiw mae gan yr ysgol 18 o athrawon, 20 cynorthwyydd a 15 o staff ategol.[1] Noddir yr ysgol gan Oriel y Bont a HSBC.[3]
[golygu] Cysylltiadau allanol
[golygu] Ffynonellau
- ↑ 1.0 1.1 1.2 Croeso. Ysgol Gymraeg Aberystwyth.
- ↑ School Inspection 10-12 February 2003. Estyn.
- ↑ Noddwyr yr ysgol. Ysgol Gymraeg Aberystwyth.
