ഫയര്‍വാള്‍
വിക്കിപീഡിയ, ഒരു സ്വതന്ത്ര വിജ്ഞാനകോശം.
സുരക്ഷാ മാനദണ്ഡങ്ങളെ അതിലംഘിച്ച്‌ കൊണ്ട്‌ കമ്പ്യൂട്ടര്‍ നെറ്റ്‌വര്‍ക്കിലേക്ക്‌ അതിക്രമിച്ചു കയറുന്ന പ്രോഗ്രാമുകളേ തടയുന്നതിനുള്ള സോഫ്റ്റ്‌വെയറിനെയോ ഹാര്‍ഡ്‌വെയറിനേയൊ പറയുന്ന പേരാണ്‌ ഫയര്‍വാള്‍. ഇതിനെ ബി.പി.ഡി (B.P.D:Border Protection Device ) എന്നും വിളിക്കുന്നു. ഫയര്‍വാള്‍ ഇന്റര്‍നെറ്റിനേയും ഇന്റ്രാനെറ്റിനേയും ഒരു പോലെ സുരക്ഷിതമാക്കുന്നു. വ്യത്യസ്ത സുരക്ഷാമാനദണ്ഡങ്ങളുള്ള വിവിധ നെറ്റ്‌വര്‍ക്കുകള്‍ തമ്മില്‍ നിയന്ത്രിതമായ ആശയവിനിമയം സാധ്യമാക്കുക എന്നതാണ്‌ ഫയര്‍വാളിന്റെ പ്രധാന ദൌത്യം. ഫയര്‍വാള്‍ ഉചിതമായ രീതിയില്‍ കൈകാര്യം ചെയ്യുക എന്നത്‌ സാങ്കേതിക ജ്ഞാനം ആവശ്യമുള്ള ഒന്നാണ്‌
[തിരുത്തുക] ലഘുചരിത്രം
1980കളില്‍ നടന്ന സുരക്ഷാതകര്‍ച്ചകളില്‍ നിന്നാണ്‌ ഫയര്‍വാള്‍ എന്ന ആശയം ഉദയം ചെയ്യുന്നത്‌. അന്ന് ഇന്റര്‍നെറ്റ്‌ എന്നത്‌ ഇന്നത്തെ പോലെ ആഗോള തലത്തില്‍ ശക്തമല്ലായിരുന്നു. 1988ല്‍ കാലിഫോര്‍ണിയയിലെ നാസ Ames Research Centerലെ ഒരു ജോലിക്കാരന്‍ തന്റെ സഹപ്രവര്‍ത്തകര്‍ക്ക്‌ കമ്പ്യൂട്ടറിനെ ബാധിച്ച കമ്പ്യൂട്ടര്‍ വൈറസിനെ കുറിച്ച്‌ ഒരു ഇമെയില്‍ സന്ദേശം അയച്ചു. മോറിസ്‌ വേം എന്നറിയപ്പെട്ട ആ കമ്പ്യൂട്ടര്‍ വൈറസ്‌ പലരുടെയും കമ്പ്യൂട്ടര്‍ ശൃംഖലകളേയും താറുമാറാക്കി. അതോടെ ഇന്റര്‍നെറ്റ്‌ ലോകം ഭാവിയില്‍ ഉണ്ടായേക്കാവുന്ന ഇത്തരം ആക്രമണങ്ങള്‍ക്കെതിരില്‍ ജാഗരൂകരായി. സുരക്ഷിതമായ നെറ്റ്‌വര്‍ക്കിന്‌ സഹായകമായ ഫയര്‍വാള്‍ എന്ന സോഫ്റ്റ്‌വെയര്‍ സങ്കല്‍പം അങ്ങിനെ ഉയര്‍ന്നുവന്നു. ഇന്ന്‌ ഒട്ടനവധി ഫയര്‍വാള്‍ പ്രോഗ്രാമുകള്‍ സൌജന്യമായും അല്ലാതെയും ലഭ്യമാണ്‌.
[തിരുത്തുക] ഓണ്‍ലൈന്‍ ഫയര്‍വാളുകള്‍
ഓണ്‍ലൈനായി ഫയര്‍വാള്‍ സേവനം സൌജന്യമായി നല്‍കുന്ന ഏതാനും വെബ്സൈറ്റുകളാണ്‌ ചുവടെ.
- ShieldsUP (Gibson Research Corporation) Quick and easy to use
- Sygate Online Scan Extended security check, concise (Stealth Scan, Trojan Scan)
- Planet Security Firewall-Check Quick, extended security check, checks current endangered ports, clearly laid out, TCP Scan
