ऑलिव्हर क्रॉमवेल
Wikipedia कडून
ébauche
ऑलिव्हर क्रॉमवेल (एप्रिल २५, ई.स. १५९९:हंटिग्डन, ईंग्लंड - सप्टेंबर ३, ई.स. १६५८:लंडन)हा ईंग्लिश राजकारणी व सेनापती होता.
त्याने ईंग्लंडचा राजा चार्ल्स पहिल्याविरुद्धच्या क्रांतिचे नेतृत्त्व केले व जिंकल्यावर ईंग्लंड, स्कॉटलंड व आयर्लंडचा रक्षक म्हणुन डिसेंबर १६, ई.स. १६५३ ते मृत्युपर्यंत राज्य केले.
क्रॉमवेलने कॅम्ब्रिज येथील सिडनी ससेक्स कॉलेजमध्ये शिक्षण घेतले परंतु पदवी मिळवण्याच्या आधीच त्याने शिक्षण सोडले. ईंग्लिश गृहयुद्धाच्या सुरूवातीस क्रॉमवेलने खाजगी घोडदल उभारले व ईंग्लिश संसदेकडून लढाईत भाग घेतला. मार्स्टन मूरच्या लढाईतील विजयाने त्याचे सेनापती म्हणून वजन वाढले. चार्ल्स हरल्यावर त्याने राज्यसूत्रे हाती घेतली.
वयाच्या ५९व्या वर्षी क्रॉमवेल मलेरियाने मृत्यु पावला. त्याच्यानंतर त्याचा मुलगा रिचर्ड क्रॉमवेल राज्यकर्ता झाला परंतु दोन वर्षांनी त्याला पदच्युत करून चार्ल्स पहिल्याचा मुलगा चार्ल्स दुसरा ईंग्लंडचा राजा झाला. त्यानंतर क्रॉमवेलचे दफन केलेले शव काढुन त्याची विटंबना करण्यात आली व शिरच्छेद करुन मुंडके लंडनच्या रस्त्यांवर मिरवण्यात आले.
