Antall (Grammatik)
From Wikipedia
In de Spraakwetenschop is de Antall(ok Numerus) en grammatische Kategorie, de vertellt, woveel dat vun een Saak gifft. Un disse Antall kann dann de Wöör verännern.
Bi velen Spraken (t.B. bi Plattdüütsch) gifft dat man bloots twee Antallen:
Dat heet: wenn dat vun en Saak blots een Stück gifft, dann steiht disse Saak in de Eentall (en Huus). Man wenn dat twee oder mehr dorvun gifft, dann steiht disse Saak in de Mehrtall (twee/dree/veer Hüüs).
Man dat gifft ok Spraken, wo dat komplizeerter is: so hett t.B. Araabsch ok de Tweetall (Dual). Wenn dor en Woort in de Tweetall steiht, dann is klor, dat dat dorvun twee Stück gifft, un dann bruukt man nich dat Tallwoort "twee" dorvörtosetten.
Vun de grammatische Antall hangt veel af: se kann de Form vun de Wöör verännern un hett Influss op disse Woortoorten: Substantiv, Adjektiv, Verb, Artikel un Pronomen.
