Batik
From Wikipedia
Batik (javan.: mbatik – „mit Wass schrieven“) is en Technik to’n farven vun Stoff, dat oorsprünglich ut Indonesien kummt. Dorbi warrt in Handarbeid Muster mit fletig Wass op dat Geweev (ut Boomwull, Linnen, Sied usw.) mit en Warktüüch mit den Naam Tjanting opdragen un dormit afdeckt. Bi dat nafolgend Bad in Farv warrt disse Flachen nich mitfarvt un behollt jümmer oorsprünglich Klöör. Dat kann mehrmols achterenanner maakt warrn.
En annere Oort vun Batik is dat Afbinnen vun dat Geweev, dat farvt warrn schall. Disse Technik is in Düütschland veel mehr begäng as de Technik mit dat fletig Wass. To’n Afbinnen künnt Draht, Snoor, Gummiband oder Kabelbinners bruukt warrn. Man kann aver den Stoff ok eenfach verknütten. Dör överleggt’ Anbringen vun de Knüttens un Afbinners künnt sünnerliche Muster schapt warrn. Ok Kledaasch, de op disse Wies infarvt worrn is, warrt as Batik betekend.
