Düna
From Wikipedia
De Düna (lettsch Daugava, russ’sch Западная Двина (Sapadnaja Dwina), wittruss’sch Дзьвiна (Dswina)) is en 1020 Kilometers langen Stroom in Oosteuropa, de dör Russland, Wittrussland un Lettland fleet un in de Oostsee münnt.
De Düna hett ehr Born in de Waldaibargen in Russland bi’n Dwinjezsee. Se fleet denn den Wittruss’schen Höhenrügg langs vörbi an Witebsk un Polozk un in Lettland an Dünaborg un münnt denn na 1.020 Kilometers in’n Rigaer Stadtdeel Dünamünn in de Rigaer Bucht. De Düna is för lütte Scheep to’n groten Deel schippbor, vun Dezember bet April aver mehrst tofroren. Kanalen föhrt vun den Stroom to de Beresina un den Dnepr. Bi Riga liggt Waterkraftwarken.
An’n 19. Juli 1701 weer an de Düna de Slacht an de Düna twischen Sweden un de Truppen vun Russland un dat Körfürstendom Sassen.
[Ännern] Toströöm
rechts: Ewest, Dubna, Aiviekste, Oger, Obol;
links: Ulla, Dzisna.
