Darlingerode
From Wikipedia
Darlingerode is een Dorp in Sassen-Anholt , dicht bi Wernigerode. De Oort liggt dicht an de Noordrand vun de Harz un besteht ut twee Teelen: Darlingerode un Altenrode. Vöör de ierst Tied is et uurkundlich erwähnt 1086, awwer de Uursprung liggt in een Siedlung vun een Man namens Turincwart in de 7.Johrhunnert. Doar wahnen hüdigendags etwan 2.400 Inwahners. De alten Lüüd snacken een besonner Art von Plattdüütsch, nämlich Ostfälschet Platt, un se nennen de Oort "Dalliero". Een Siegenswürdigkeit in de Dorp es en olle Thingstatt; man seggt, dat schon Kaiser Otto III. doar een Richtdag hollen hett. Un 1517 was Martin Luther in de Klooster Himmelpoorten dichtbi Dalliero, dat is amtlich. Aakt Joars drup hebben de Buern vun Dalliero un Warnijeroe dat Klooster stürmt un bannig veel Schaden anricht, de Münch sin in de Wald flohen. Himmelpoorten is bald dornaak ganz wüst worn. 1800 was de Oort noch en Buuerndorp, awwer in de 19. Johrhunnert hett sich dat Bild wannelt, Steenbruk- und Waldarbeter hebben doar arbetet. De Harzgranit was een Expoortartikel bis naa de Nederlanden.
