Füerwehr
From Wikipedia
Wenn en Füer entstahn is un dat nich wullt waar, is de Füerwehr dorför tostännig, dat dat wedder löscht warrt. Füerwehren gifft dat bannig vele, un dat is kloor, denn wenn de Füerwehr nich fix kummt, denn is dat Füer veel to groot, as dat man dat fix löschen kann. De düütsche Füerwehr was entstahn vun de Wittkittels, un de Lüüd vun de Füerwehr hebbt lehrt, wat fröher de Wittkittels maakt harrn. Hüütigendoogs möten de Lüüd vun de Füerwehr ok faken bi Maleschen helpen.
Hüütigendoogs kann jedereen de Füerwehr ropen mit de Telefonnummer 112. Dat is de internatschonale Nummer för Lüüd in Noot. Dor kannst alltiet mit de Füerwehr telefoneeren, un wenn seggen kannst,
- wo du in Noot büst
- un wosück du in Noot büst
- un woveel Lüüd in Noot sünd
- un wokeen du büst, dat se die nödigenfalls torückropen kunn'n,
denn kummt de Füerwehr bannig fix! Blief jümmers suutje un sinnig!
Wi keunt een Ünnerscheed maken twischen de friwillig Füerwehr und de Berufsfüerwehr. De Berufsfüerwehrlüüd makt nix anneres as op Füer to worten. Wenn dat Füer denn losgeit, denn kamt de Kerls in den blauen Rock in Nullkommanix ansust mit dat Spritzenauto. Schläuche un Strahlrohre un Anschlußstücke för de Hydranten hebbt se bi sick. Un dann geit dat ok gliks los mit de Füerlöschen. Een Berufsfüerwehr gifft dat blot in groten Steden, in de Dörper hebbt se de friwillig Füerwehr.
