Wikipedia:Namenskonventschonen
From Wikipedia
Disse Siet schall Regeln vörgeven, wie de Naams vun de Artikels (de Lemmas) utsehn schöölt.
[Ännern] Spraken
Wenn de Spraak en Egennaam hett, denn warrt de bruukt. Bispeel: Suaheli. Faken hett en Volk aver densülvigen Naam. Denn warrt ‚-Spraak‘ achtern ransett. Bispeel: Maori un Maori-Spraak.
Standardspraken schöölt ünner 'Xsche Spraak' stahn. Bispeel: Hoochdüütsche Spraak. Spraakgruppen, de linguistische Eenheiten billt, oder Spraakfamilien staht ünner 'Xsche Spraken'. Bispeel: Düütsche Spraken. Dialekten staht ünner de Adjektivformen (Bispeel: Allemannsch) oder enen Naam, de sik ut en Spraaknaam un en Attribut tohoopsett (Bispeel: Ollnborger Platt).
[Ännern] Warken
Warken so as Böker, Filmen, Theaterstücken etc. schöölt ünner den plattdüütschen Naam stahn. Hett dat Wark kenen plattdüütschen Naam, denn schall de Originalnaam bruukt warrn. Wenn de Originalnaam för den dörsnittlichen Bruker swoor to verstahn un wohrschienlich unbekannt is, denn kann ok de hoochdüütsche Naam as Redirect inricht un in den Artikel nöömt warrn.
