Stork
From Wikipedia
| Stork | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 |
||||||||||||||||||||
| Systematik | ||||||||||||||||||||
|
||||||||||||||||||||
| Naam in de Wetenschop | ||||||||||||||||||||
| Ciconia ciconia | ||||||||||||||||||||
| Linnaeus, 1758 |
De Stork, (hauchdüütsch: Weißstorch), de up Nedderdüütsch ok woll Aadboor oder Eebeer heet, is en groten Vagel mit enen langen lieken Snavel, hoge Benen un enen korten Steert. De witte Stork hett swarte Flunken; Been un Snavel sünd root. Bi't Flegen warrt de Hals wiet vörutstreckt. De mehrsten Störk sünd in Gegenden mit sumpige Wischen un Seen antodrapen, aver ok dar sünd se in de lesden Tieden tämlich roor wurrn. Nisten deit de Stork up Hüüs un Schünen, mennigmaal ok up Bööm. Sien Nest boot he ut Ries un Sprickwarks, leggt veer oder fief witte Eier, ut de de grieswitten Jungen utslüppt. Se warrt in'n Juli flügg un treckt in'n August mit de Olen na Afrika. De westdüütschen Störk fleegt över Süüd-Frankriek un Spanien, de oostdüütschen un baltischen över den Bosporus na den Nil un bit na Süüdafrika.
In Europa gifft dat ok den swarten Stork (hauchdüütsch: Schwarzstorch), de hollt sik vun de minschlichen Seedlungen wiet aff, boot sien Nest up Bööm un frett mehrstens Fisch.
De witte Stork warrt na dat Klappen mit sienen Snavel ok woll Klapperstork nöömt. Fröher wurr faken dat Määrken vertellt, dat de Klapperstork de lütten Kinner bringt. Vandaag glöövt aver nüms mehr an so'n Hintjentüüg.
