Geer
Van Wikipedie
De geer is de naam van de melkklieren bie herkauwers, vergeliekbaor mit borsten bie de mins. In de geer wordt melk evormd waormee tiejens 't zeugen 't jong evoerd kan worren. De eerste melk die in de geer evormd wordt heet biest of colostrum en is iezig riek an ofweerstoffen. Naor enkele dagen komt de echte melk op gang.
De melkvorming vient plaots in de melkcellen. 't Hormoon prolactine, dat of-escheien wordt deur de hypofyse, zurgt veur de melkpreduktie. De groendstoffen veur de melk worren deur 't bloed an-evoerd en deur diffusie in de melkcellen op-eneumen. Hier worren de groendstoffen um-ezet in melk. Um één kilo melk te maken moen der hoenderden liters bloed deur de geer stromen. De melk wordt op-esleugen in de melkboezem, een sponsachtige ruumte onder in de geer. De melk verlaot de geer deur de speunen of titten.
Elk deel van de geer het een eigen melkstelsel en melkboezem. Bie de koe is de geer verdeeld in vier delen, die kwartieren eneumd worren. Elk kwartier het een eigen tit. Bie 't schaap en de geit bestaot de geer uut twee delen. Bie de zeug is de geer verdeeld in oengeveer 12 pakketten. Elk pakket het zien eigen speun waordeur de geer bie de zeug 10, 12 of 14 speunen het. Een varken is echter gien herkauwer.
 |
