Riest (revier)
Van Wikipedie
De Riest is een reviertien dat begunt in de veengebieden tussen Slagharen en De Vaort. 't Meandert oaver 35 km op Möppelt an, daoras 't uutmondt in 't Meppelerdiep. De Riest is een hoogveenbekien, dat veur een belaangriek diel de greens tussen de perveensies Oaveriessel en Drenthe angef.
't Riestdal (zo'n 100 tot an 500 mèter in de breedte) biedt een riekeleke voedingsbodem veur de eileuvers die heur opholdt op 't eileuverstation De Lokkerij, niet wied van de havezathe Havixhorst. Ok lèeft er dassen en vossen en greuit er bizondere bloemen, zoas noordse zegge, grote pimpernel, stief struusriet en 't zöldzame moeraskartelblad, dat ze de orchidee van de Riest neumt.
De Riest kömp veur in de titel van Lucas Jonkers roman Harm Boer'nlèv'n an de Riest.
