Carl Barks
Frå Wikipedia – det frie oppslagsverket
Carl Barks (21. mars 1901–25. august 2000) var ein vidgjeten amerikansk teikneserieskapar. Han skreiv og teikna mest historiar om Donald Duck, og laga mellom anna Andeby, Skrue McDuck og B-gjengen. I Noreg var Barks i mange år berre kjend som den gode teiknaren.
Han var fødd i Oregon. Foreldra var gardbrukarar, og familien flytta mykje rundt i Statane for å søke lykka. Kanskje på grunn av dette, eller fordi hørsla tok til å svikta, vart Carl eit einsamt barn og brukte lang tid på å fullføra skolegangen. Som vaksen tok han fleire jobbar, men i 1935 vart han tilsett i Disney Studios der han kom til å gjera ein god karriere.
Ein kan seia at Carl Barks er den som ga Donald og dei andre endene i Andeby sjel. Han gav dei i alle fall personlegdommar og bakgrunnar. Donald har mange av eigenskapane til teiknaren, mellom anna er han ein sinnatagg som stadig skifter mellom dårleg betalte jobbar. Barks let òg endene reisa ut i verda og gjorde seg flid med å få detaljane til å stemma.
[endre] Kjende historiar
- Jul på Bjørnefjell (1947)
- Eggemysteriet (1949)
[endre] Litteratur
- Michael Barrier, Carl Barks and the Art of Comic Book (USA 1981, Inducks)
- Donald Ault, Carl Barks Conversations, University Press of Mississippi, Jackson (Mississippi) 2003, Inducks. (Interviews av Thomas Andrae, Michael Barrier, Bill Blackbeard, E. B. Boatner, Glenn Bray, Paul Ciotti, Sébastien Durand, Bob Foster, Didier Ghez, Stephen Gong, Leonardo Gori, Bruce Hamilton, Gottfried Helnwein, Markku Kivekas, Michael Naiman, Bill Spicer, Francesco Stajano, Klaus Strzyz, Edward Summer, Erik Svane, Don Thompson, Maggie Thompson, Malcolm Willits, Nicky Wright, og Lynda Ault).
- List of Carl Barks interviews and articles in the international press
[endre] Lenkjer ut
- Carl Barks biography and quotes by Erik Svane
