Kongeparken
Frå Wikipedia – det frie oppslagsverket
Kongeparken er ein moropark i Gjesdal i Rogaland som ligg langs E39, rundt 20 minutts køyring sørover frå Stavanger. Landemerke og trekkplaster for parken er ein 85 meter lang modell av fantasifiguren Gulliver slik han låg bunden i Lilliput. Parken er kjend for å arrangera russetreff kvar vår.
I Kongeparken kan gjestane mellom anna køyra ein 1000 meter lang bobbane, klatra i Gulliver-figuren, laga sin eigen sjokolade i «Freias Magiske Sjokoladefabrikk» og låna gratis digitalkamera.
[endre] Historie
Parken blei opna i 1986 av Gabriel Ålgård. På grunn av sviktande besøkstal blei parken seld og prøvd refinansiert fleire gonger. I 1997 tok dagens eigarar, Lund-familien, over drifta. Familien har lang erfaring innan underhaldingsfaget frå Lunds Tivoli. Dagleg leiar for parken er Veslemøy Lund.
Då familien overtok parken var besøkstallet om lag 45 000. Sidan då har det stige til om lag 160 000 (2005).
[endre] Bakgrunnsstoff
[endre] Kjelder
- «Kongeparken» i Wikipedia på bokmål og riksmål
- gonorway.no (lengda til Gulliver)
