Canton francés
Un article de Wikipèdia, l'enciclopèdia liura.
En França, un canton es una division administrativa, cada arrondiment departamental èssent subdevesit en cantons.
Somari |
[Modificar] Ròtle e administracion
Lo ròtle dels cantons es essencialament de fornir un malhum electoral ; a las eleccions cantonalas, cada canton elegís la persona menada a lo representar al conselh general del departament (fòra de París, ont lo conselh de París es elegit segon un mòde operatòri diferent ; i existís doncas pas de cantons al sens electoral del tèrme. Çaquelà, d'un punt de vista estatistic, los vint arrondiments de París son de còps considerats coma de cantons). En zòna urbana, una meteissa comuna recobrís generalament mantun canton. En zòna rurala, un canton es sovent format de mantuna comuna pichona; arriba alara frequentament que los principals servicis administratius (brigada de gendarmariá, etc.) sián concentrats dins lo cap-luòc de canton.
Los cantons fòrman tanben una circonscripcion judiciària en tant que sèti del tribunal de primièra instància. Istoricament los cantons son apelats « justícias de patz ».
[Modificar] Istòria
Los cantons foguèron creats en 1790, al meteis temps que los departaments, pel Comitat de Division del territòri. Foguèron originalament recampats en districtes puèi, aprèp la supression d'aqueles en 1800, en arrondiments.
A l'occasion de lor creacion en 1790, los cantons èran plan mai nombroses qu'uèi (entre 40 e 60 segon los departaments). Lor nombre foguèt redusit drasticament (entre 30 et 50) per la lei del 8 pluviôse an IX (28 de genièr de 1801) intitolada « lei portant reduccion del nombre de justícias de patz ». Los primièrs prefectes nomenats pel govèrnament foguèron tenguts d’establir dins lor departament la reparticion de las comunas dins cada canton novelament establit. Aquestas listas departamentalas, un còp aprovadas pel govèrnament, foguèron publicadas al Bulletin de las Leis dins las annadas 1801-1802 e constituisson la basa de la division administrativa de la França en cantons qu'es encara en plaça uèi.
Dempuèi 1800, de cantons tròp pauc poblats son estat suprimits, mentre que de cantons novèls son estats creats dins cèrtas zònas qu'an conegut una creissença demografica fòrta, principalament en zòna urbana. Al total, lor nombre a sensiblament augmentat.
[Modificar] Estatisticas
Lo nombre de cantons es variable d'un departament a l'autre (lo Territòri de Belfòrt n'a 15, lo Nòrd 79). Al total, existiá 4 039 cantons en França en 2004, dont 156 dins los departaments d'otramar. L'illa de Maiòta, dont l'administracion territoriala es pròchia de la dels departaments, es tanben devesida en 19 cantons.
[Modificar] Veire tanben
[Modificar] Ligams intèrnes
- Administracion territoriala de la França
- Eleccions cantonalas (França)
[Modificar] Ligams extèrnes
- [1] : Siti en desvolopament detalhant las regions francesas del punt de vista economic e geografic, del canton a la comuna. Lo siti es coordonat per Roger Brunet.
