Casablanca
Un article de Wikipèdia, l'enciclopèdia liura.
Casablanca (en arab: الدار البيضاء, Ad Dar al Bayda, literalment La Casa la Blanca; reduït en lo lengatge popular a Dar l Bida; tanben com Casa amb prononciacion a la francesa) es la vila mai grand de Marròc e son pòrt mai important.
Es considerada la capitala economica del país, encara que la capitala oficiala e centre del govèrn siá Rabat. Situada a l'oèst, sus la còsta de l'Ocean Atlantic. Segon lo censament de setembre de 2004, la populacion de Casablanca es de 2 950 000 abitants, çò que representa 11% de la populacion del país.
Limita a l'oèst amb l'ocean Atlantic, al nòrd-èst amb la província de Ben Slimane , e al sud amb la província de Settat.
[Modificar] Istòria
Casablanca foguèt fondada pels portugueses e aviá per nom Casa Branca en 1575, aprèp la destruccion de la vila d'Anfa, situada sul meteis endrech en 1515. Portugal partiguèt de la vila en 1755 en seguida de l'aumentacion de las atacs de las tribus de las environas.
Pendent lo sègle XIX la populacion comencèt de créisser bravament e lo comèrçi maritim aumentèt fòrça. Casablanca venguèt un pòrt important estrategicament pendent la Segonda Guèrra Mondiala e aculhiguèt la Cimera Anglo-americana en 1943.
[Modificar] Monuments d'interès
A Casablanca se pòt veire la Mosqueta Hassan II, la mai granda del mond aprèp la de La Meca. Son minaret es lo mai naut del mond, amb sos 210 mètres de nautor. La faguèt construire lo rei Hassan II e sa construccion s'acabèt en 1993.
