Ibaizabal
Un article de Wikipèdia, l'enciclopèdia liura.
Eth Ibaizabal ei un arriu de Biscaia, en nòrd d'Espanha. Eth sòn nom ven de "ibai" 'arriu' e "zabal" 'ample' en basc, ei a díder 'arriu ample'. Nèish ena termières de Biscaia damb Alaba e Guipuscoa, apròp d'Elorrio, de diuèrsi arriuets des montanhes Anboto e Udalaitz, ena serra cantabrica. Se li sòl nomentar Ibaizabal a compdar dera union deth Zumelegi e eth Arrazola, que s'unissen ena val d'Atxondo. Cor n'adrece nòrd-oèst pera cridada val deth Ibaizabal e trauèsse eth Duranguesado. Conflueish en Basauri damb eth Nervion, un arriu de similar cabau e longitud, e junti corren n'adrece nòrd-oèst. Ara nautada de Bilbao formen l'Arrisque de Bilbao (tanben cridada Arrisque deth Nervion o deth Ibaizabal), que desboque ena Mar Cantabrica. En tot eth sòn recorregut, a excepcion dera sua part nauta, es sòns arribatges estan extrèmament urbanizades e industrializades, principaument damb industries metalurgiques e quimiques (paperères) çò que deteriora era qualitat des aigües e altère es ecosistèmes pròpris des sòns arribatges ath veder-se canalizat e barrat en fòrça trams dera sua llera. Es reformes deth sanejament an melhorat plan era claretat des sues aigües.
