Michael Collins
Un article de Wikipèdia, l'enciclopèdia liura.
Michael John ("Mick") Collins (en irlandés: Mícheál Seán Ó Coileáin; nascut lo 16 d'octobre de 1890 – mòrt lo 22 d'agost de 1922) foguèt un menaire revolucionari irlandés, Ministre de Finanças de la Republica Irlandesa, Director dels servicis d'intelligéncia per l'IRA, membre de la delegacion irlandesa pendent las negociacions del Tractat anglo-irlandés, coma cap del govèrn provisòri e a l'encòp comandant de l'armada nacionala irlandesa.
Foguèt assassinat per balas en agost de 1922, pendent la Guèrra Civila Irlandesa. La part màger dels partits politics irlandeses reconeis sa contribucion a la fondacion de l'estat irlandés modèrn, mas los membres e suportaires del partit politic Fine Gael manifestan una admiracion particularament fòrta per sa memòria ja que lo consideran lo paire fondaire d'aqueste movement; lo partit se sonava a la debuta Cumann na nGaedhael.
