Microchiroptera
Un article de Wikipèdia, l'enciclopèdia liura.
| Microquiroptèrs | |||||||||
|---|---|---|---|---|---|---|---|---|---|
 |
|||||||||
| Ratapenada de nas en fuèlha de California | |||||||||
| Classificacion classica | |||||||||
| Renhe | Animalia | ||||||||
| Embrancament | Chordata | ||||||||
| Sosembr : | Vertebrata | ||||||||
| Classa | Mammalia | ||||||||
| Sosclassa | Theria | ||||||||
| Infra-classa : | Eutheria | ||||||||
| Òrdre | Chiroptera | ||||||||
| Sosòrdre | |||||||||
| Microchiroptera Dobson, 1875 |
|||||||||
| Familhass de reng inferior | |||||||||
|
|||||||||
| Percorrètz la biologia sus Wikipèdia :
|
|||||||||
Los Microquiroptèrs constituisson un sosòrdre dels Quiroptèrs o Ratapenadas. Se los apela tanben "Ratapenadas insectivòras", "Ratapenadas qu'utilizan l'ecolocacion", "Pichonas Ratapenadas" o "Vertadièras Ratapenadas". Totes aquestes noms son çaquelà inadaptats perque totes los Microquiroptèrs son pas insectivòrs e cèrts son mai gròsses que los mai pichons Megaquiroptèrs.
Los caractèrs distinctius dels Microquiroptèrs per rapòrt als Megaquiroptèrs son :
- Los Microquiroptèrs utilizan l'ecolocacion, contràriament als Megaquiroptèrs.
- Los Microquiroptèrs an pas d'àrpias a l'indèx de las patas anterioras.
- Las aurèlhas dels Microquiroptèrs forman pas un annèl tampat : los bòrds son separats un de l'autre a la basa de l'aurèlha.
- Los Microquiroptèrs an pas de sospèl : an pas que de pèls espesses o son glabres.
La màger part dels Microquiroptèrs es insectivòra. Cèrtas de las espècias las mai grandas caçan d' Ausèls, de Lausèrts, de Granhòtas e quitament de Peissses. Existís, en America del Sud de Microquiroptèrs que se noirisson de sang dels grands Mamifèrs, apelats Ratapenadas vampiras. Los Microquiroptèrs fan entre 4 e 16 cm de long.
Somari |
[Modificar] Ecolocacion
Las Ratapenadas son los exemples mai coneguts d'animals utilizant l'ecolocacion. Totes los Microquiroptèrs l'utilizan. Lo sol Megaquiroptèr conegut que l'utiliza es dzl genre Rosseta (Roussettus), mentre que son sistèma d'ecolocacion siá diferent del dels Microquiroptèrs. Lo sistèma d'ecolocacion de las Ratapenadas es sovent apelat biosonar.
Los Microquiroptèrs generan d'ultrasons via lor larinx. Aqueste son es emés per lor nas e lor boca. La frequéncia d'emission varia entre 14 000 e 100 000 hertz, plan al delà de çò que l'aurèlha umana pòt perceber (l'aurèlha umana mejana percep los sons entre 20 Hz e 20000 Hz). Un grop de vocalizacions emisas permet d'explorar l'environament.
Cèrtas Arnas an desvolopat una proteccion contra las Ratapenadas. Son capablas d'entendre los ultrasons emeses per aquestas darrièras, çò que lor permet de fugir o d'arestar lo batament de lors alas per amagar lor ec caracteristic que riscariá de los far èsser detectadas. Per contrar aquesta parada, las Ratapenadas pòdon cessar d'emetre lors ultrasons a l'apròchi de lor prèda per evitar d'èsesr reperadas !
[Modificar] Proteccion
- Totas las espècias de ratapenadas presentas en França son integralament protegidas per l'Arrestat Ministerial del 17 d'abril de 1981 relatiu a la proteccion de l'environament.
- Dempuèi 1979, al nivèl internacional, la Convencion de Bonn e la Convencion de Bern demandan als estats contractants d'assegurar la proteccion de totas las espècias de ratapenadas descrichas dins las annèxas, e mai la proteccion dels jaces de reproduccion e d'ivernacion.
- En 1992, la Directiva "Abitat - Fauna - Flòra" demanda als païses de la Comunautat Europèa la proteccion estricta de totas las espècias de quiroptèrs (figuran a l'annèxa IV), e mai la designacion de Zònas Especialas de Conservacion per las 12 espècias figurant a l'annèxa II.
- 19 espècias son classadas dins la lista roja de la fauna menaçada de França e 13 espècias son presentas sus la lista roja mondiala.
[Modificar] Classificacion
Aquesta classificacion es estada establida per Simmons e Geisler (1998):
Superfamilha dels Emballonuroidea
- Familha dels Emballonuridae, Gervais, 1856
Superfamilha dels Rhinopomatoidea
- Familha dels Rhinopomatidae, Bonaparte, 1838
- Familha dels Craseonycteridae, Hill, 1974
Superfamilha dels Rhinolophoidea
- Familha dels Rhinolophidae, Gray, 1825
- Familha dels Nycteridae, Van der Hoeven, 1855
- Familha dels Megadermatidae, H. Allen, 1864 (falses-vampirs)
Superfamilha dels Vespertilionoidea
- Familha dels Vespertilionidae, Gray, 1821
Superfamilha dels Molossoidea
- Familha dels Molossidae, Gervais, 1856
- Familha dels Antrozoidae
Superfamilha dels Nataloidea
- Familha dels Natalidae, Gray, 1866
- Familha dels Myzopodidae, Thomas, 1904
- Familha dels Thyropteridae, Miller, 1907
- Familha dels Furipteridae,Gray, 1866
Superfamilha dels Noctilionoidea
- Familha dels Noctilionidae, Gray, 1821
- Familha dels Mystacinidae, Dobson, 1875
- Familha dels Mormoopidae, Koch, 1862-63
- Familha dels Phyllostomidae, Gray, 1825
[Modificar] Ligams extèrnes
- Referéncia Fauna Europaea : Microchiroptera (en)
- Referéncia ITIS : TSN 552302 Microchiroptera Dobson, 1875 (en)
- Referéncia NCBI Taxonomy : Microchiroptera (en)
- Bat World Sanctuary
- Illustrated Identification key to the bats of Europe (see "Recent publications")
[Modificar] Fonts
- Yves Tupinier: L'univers acoustique des quiroptèrs d'Europe Société linnéenne de Lyon, 1996, Modèl:ISBN
- Michel Barataud: Ballades dans l'inaudible Sitelle , 1996, Modèl:ISBN
