Mistral (vent)
Un article de Wikipèdia, l'enciclopèdia liura.
- Pels articles omonims, vejatz Mistral.
Lo mistral (o mistrau) (mestral en catalan, maestrale en còrs) es un vent de nòrd-oèst (NW) a nòrd (N), fresc o frèg e sovent violent, que concernís lo nòrd del bacin de la Mediterranès occidentala. S'apèla tramontana dins lo Lengadòc, mistral en Provença e sus la Còsta d'Azur, mas es lo meteis vent que pòt bufar fins al sud de las Balearas e aténher lo nòrd de la Tunisia.
[Modificar] Causas del Mistral
L'aparicion del mistral (e de la tramontana) es ligada a l'arrivada d'un flus maritim fresc d'origina atlantica, o d'un flus frèg continental, que perven en Mediterranèa pel còl del Lauragués e lo corredor Ròse-Saône.
Las causas de desenclavament del mistral son :
- Establissament d'una dorsala anticiclonica sul sud-oèst (SW) de la França
- Depression relativa sus la Mediterranèa occidentala
- Preséncia d'aire caud dins la zòna de la depression
- Alimentacion en aire frèg
Es pas indispensable qu'aquesta quatre condicions sián acampadas.
[Modificar] Previsions
La preséncia de cirrus, sustot se son nombroses e localizats vèrs l'Oèst pòt èsser un signe anonciator del mistral, mas es pas sistematic.
[Modificar] Efièches del vent
Un exemple de sa fòrça foguèt visible pendent lo match França-Africa del Sud pendent la Copa del monde de fotbòl 1998, ont l'equip atacant contra lo vent aguèt de dificultats e far avançar lo ballon per de tirs longs.
Un autre efièch del mistral es visible dins la valada del Ròse, notament al sud de Valéncia : sa fòrça e sa persistància influisson sus la creissença dels arbres isolats que son fòrtament inclinats vèrs lo sud.
