Nebulosa d'Orion
Un article de Wikipèdia, l'enciclopèdia liura.
La Nebulosa d'Orion es la nebulosa difusa mai brilhanta del cèl de nuèch, que se pòt clarament reconéisser a l'uèlh nus coma non estelara, situada jos la cencha d'Orion. Es catalogada jol numèro M42 dins lo catalòg de Charles Messier, e coma NGC 1976.
Se tròba a una distància d'aperaquí 1.600 ans lum de la Tèrra, e a una talha de gaireben 33 ans lum. Se pòt observar clara a mai amb un simple binocolo, particularament dempuèi los luòcs amb de cèls plan escurs.
La Nebulosa d'Orion ten dins son endedins un amàs dobèrt fòrça jove, amb fòrça estelas tot bèl just "nascudas". Las observacions amb de telescòpis potents (especialament lo Telescòpi espacial Hubble) an revelat fòrça estelas enviradas d'anèls de posca, probablament l'estadi primièr de la formacion d'un sistèma planetari.
La Nebulosa d'Orion es estada reconeguda coma tal en 1610 per un avocat occitan, Nicholas-Claude Fabri de Peiresc (1580-1637); a mai se per encausa de sas dimensions e sa luminositat èra probablament coneguda ja en epòca preistorica. Ptolomèu l'identificava coma estela de l'espasa d'Orion de magnitud 3.
