Pavo cristatus
Un article de Wikipèdia, l'enciclopèdia liura.
| Pavon blau | |||||||||
|---|---|---|---|---|---|---|---|---|---|
 |
|||||||||
| Pavon blau (Pavo cristatus) | |||||||||
| Classificacion classica | |||||||||
| Renhe | Animalia | ||||||||
| Classa | Aves | ||||||||
| Òrdre | Galliformes | ||||||||
| Familha | Phasianidae | ||||||||
| Sosfamilha : | Phasianinae | ||||||||
| Genre | Pavo | ||||||||
| Espècia : | P. cristatus | ||||||||
| Nom binomial | |||||||||
| Pavo cristatus Linnaeus, 1758 |
|||||||||
| Percorrètz la biologia sus Wikipèdia :
|
|||||||||
Lo pavon blau (Pavo cristatus) es un ausèl gallifòrme de la familha dels Fasianidats.
Es un ausèl originari d'Asia (principalament d'Índia e del Sri Lanka). Es conegut per sas colors brilhantas e sa coa magnifica que pòt desplegar en ròda. Seriá estat raportat d'Asia vèrs la Grècia al sègle IV abans nòtra èra per Alexandre lo Grand e s'es lèu espandit dins tota l'Euròpa tant sa beutat suscitava l'admiracion.
Somari |
[Modificar] Caracteristicas
Lo mascle mesura de 90 cm a 1,10 m sens sa coa, atenhent 3 m en tot. La femèla mesura 86 cm. Lo pavon es espandit coma ausèl domestic dins los parcs e jardins d'aglomeracion dins una granda partida del mond en rason de sas belaròias majestosas. Es aisidament reconeissible a son plumatge, sa tufa e sa traïna.
[Modificar] Colors del plumatge
Existís tres espècias principalas de pavons. La mai espandida es lo pavon blau (veire fotò), lo mascle a un cap e un còl blau brilhant e de bèlas plumas verdas e brunas dins sa traïna alara que lo còs entièr de la femèla es gris e blanc, amb un cap blanc. L'autra espècia principala es lo pavon blanc o pavon albin (qu’es en fach pas albin, mas puslèu leucistic) que son còs entièr es blanc. La traïna blanca supèrba del mascle revèrta la traïna d'una rauba de nòvia. Enfin, la tresena espècia es apelada pavon arlequin o mirgalhat ; es eissida del crosament d'un pavon blau e d'un blanc.
[Modificar] Abitat
A l'estat salvatge, viu dins los bòsques e las selvas. En Euròpa, es sustot espandit dins los parcs e los jardins grands.
[Modificar] Alimentacion
Manja de granas, cerealas, flors, baias, e insèctes.
[Modificar] Crit
Lo mascle a un crit fòrça reconeissible qu'es sovent associat, çò los francofòns, al pichon nom Léon.
[Modificar] Compòrtament
En defòra de la sason dels nis, los pavons vivon en gropes pichons d'un mascle per fins a 5 femèlas. Manjan lèu lo matin o al luscre e passan la jornada dins l'ombra. Pendent la sason dels nis, lo mascle parada. Fa plan de bruch e seguís de femèlas.
[Modificar] Fotòs
 |
 |
 |
 |
 |
 |
[Modificar] Veire tanben
- Argos Panoptès, pastor de la mitologia grèca que sos cent uèlhs foguèron semenats per Era sus la coa del pavon.
