Francesco Faà di Bruno

Test an lenga piemontèisa

Francesco Faà di Bruno

Matemàtich. A nass a Lissandria ël 29 ëd mars dël 1825 dal marchèis Luis e da Carolin-a Sappa de' Milanesi, darié ëd dódes masnà. Dal 1840 al 1846 a studia a la Real academia militar ëd Turin, ant ël 1844 a dventa cadet, sot-tenent l'ann ch'a-i ven, leutenent dël 1846. Ant ël 1849 a l'é promovù capitan e a combat a Mortara e a Novara. Da otóber 1849 a dzèmber 1851 a sta a Paris, andoa a frequenta ij cors ëd matemàtica dla Sorbon-a. Ant ës perìod sì a intra ant la conferensa ëd san Vincens ëd Saint Germain des Prés e a s'ampegna a dedié tuti ij sòld ch'a peul a Dé, aj pòver e a le siense. Ëd gené 1853 a fonda a Lissandria la conferensa ëd san Vincens. A mars dël midem ann a chita la cariera militar për avèj arfudà ëd bat-se a duel contra n'ofèisa arseivùa. Ancora dël 1853 a fonda la san Vincens a la paròchia San Màssim ëd Turin.

La capela ëd Saint Germain des Prés, a Paris

Da maj 1854 a dzèmber 1856 a l'é torna a Paris, andoa a travaja a l'osservatòri astronòmich e a pija a la Sorbon-a ël dotorà an matemàtica; ant ël 1855 a pùblica na fórmola che a pòrta sò nòm për calcolé le derivà d'órdin pì grand che 1 ëd na composission ëd fonsion. Ant ël 1857 a ancamin-a a ten-e ëd cors a l'Università ëd Turin e dël 1861 a intra ant ël Colegi dij dotor dla facoltà ëd siense matemàtiche, fìsiche e naturaj. Dël 1862 a fonda ël liceo Faà ëd Brun. Dl'ost 1876 a va a Roma pr'ëstudié teologìa. Ël 3 d'otóber a l'é nominà professor ëstrasordinari d'anàlisi superior e ël 22 d'otóber a l'é ordinà prèive; peuj a torna a Turin. Ël 16 ëd luj dël 1881 as sélebra la sirimònia dla vestission dle novissie dle Seur mìnime ëd nòstra Sgnora dël Sufrage, la congregassion religiosa ch'a l'avia fondà. A meuir ël 27 ëd mars dël 1888. Ant ël 1988 a l'é beatificà da Gioan Pàol II.

[modìfica] La Ca dë studi Fransesch Faà ëd Brun

A Turin a l'é istituisse la Ca dë studi Fransesch Faà ëd Brun, con ël but dë spantié la conossensa dla figura, dël pensé e dl'euvra ëd Faà ëd Brun. La ca dë studi a cudiss ëdcò:

• La Biblioteca Fransesch Faà ëd Brun, dont l'arcòlta ëd lìber a l'é stàita ancaminà dal siensià midem. A conten apopré 10.000 volum.
• L'Archivi Fransesch Faà ëd Brun, ch'a archeuj jë scrit, le litre e ij papé ch'a rësgoardo Faà ëd Brun e soe euvre.
• Ël Musé Fransesch Faà ëd Brun, ch'a cudiss vàire oget e utiss sientìfich anventà o catà da chiel.

E be'? :) È facile imparare a leggere una lingua che si parla già. Consulti

St'utent-sì a l'é un bogianen

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari che a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tùit.

a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.

E che a manca pa dë vardesse la pàgina d'agiut për chi as anandia da zero.