Wasichay
Wikipidiyaman
Wasichay nisqaqa wasi, pirqa ruraymanta maki kapchiymi. Pirqakunata wasi qatatapas rurananmi tiyan. Ayllu llaqtakunapiqa kunanraqmi qiru wasi icha t'uru wasikunata wasichanku, ichhuwan, lukatawan icha huk yurakunawan qatachaspa. Kay pachaqa wamaqyachkaspa, aswan wasikunata sinchiyanawanmi ruranku, qatankunatataq tihakunawan icha aluminyu latawan.
Tabla de contenidos |
[allichay] Qiru wasi
Qiru wasitaqa qirullamanta, k'aspikunawan qiru p'alltakunawanmi ruranchik.
[allichay] T'uru wasi
T'uru wasitaqa kallmakunamanta rurasqa pirqakunata t'uruchaspa ruranchik.
[allichay] Champa wasi
Champa wasitaqa t'uruwan chapusqa kallmakunamanta rurasqa champakunawan pirqanchik.
[allichay] Rumi wasi
Rumi wasitaqa machina rimi nisqa, takanawan llamk'apusqa rumikunawan pirqanchik. Inkakunaqa rumi wasinkunata mana isku chapusqawanchu, mana t'uruwanchu pirqarqanku.
[allichay] Tika wasi
Tika wasitaqa chakisqa t'urumanta rurasqa tikakunawan (aruwi, adubi, adobe) pirqanchik, tikakunata huq'u t'uruwan t'inkispa.
[allichay] Kusasqa tikawan pirqasqa wasi
Kusasqa tikakunataqa isku chapusqawanmi t'inkispa chay hina wasikunata pirqanchik.
[allichay] Sinchiyanawan pirqasqa wasi
Kayi pachapiqa, aswan wasikunatam khillay icha asiru k'aspikunawan sinchiyanawan pirqanku.
