Nellu Musumeci
Di Wikipedia, l'enciclopedìa lìbbira.
Nellu Musumeci (oppuru, 'n lingua taliana, Sebastiano Musumeci) (Militeddu in Val di Catania, 21 di jinnaru 1955) è n'omu pulìticu sicilianu.
Diploma tecnicu, jurnalista pubbricista, hà statu prisidenti dâ Pruvincia di Catania (dû 1994 ô 2003), vici-prisidenti vicariu di l'Assuciazzioni Taliana dê cumuna e dê riggiuni d'Europa. Espunenti di Allianza Nazziunali, hà statu lu curdinaturi riggiunali pâ Sicilia, nzinu di quannu dicidìu di lassari lu partitu pi funnari Allianza Siciliana ntô sittèmmiru 2005.
Attuarmenti è diputatu dû Parlamentu eurupeu, riliggiutu pâ terza vota ntô 2004 pâ lista di Allianza Nazziunali ntâ circuscrizzioni ìsuli, ncumpatìbbili cu lu sò ufficciu ntô cuvernu talianu a l'èbbica. Musumeci uttinìu 116 prifirenzi. È scrivutu ô gruppu di Unioni pi l'Europa dê Nazziuni.
È membru dâ Cummissioni pi la nnustria, la ricerca e l'enirgìa; dâ Cummissioni pâ pisca; dâ Cummissioni pi l'agricurtura e lu sviluppu campagnolu; dâ Diligazzioni â cummissioni parlamintari mista UE-Turchìa; dâ Diligazzioni pi li rilazzioni cu li paisi dû Mashreq; dâ Diligazzioni â Assimbrea parlamintari Eurumiditirrània.
Musumeci hà statu candidatu â prisidenza dâ Riggiuni Sicilia, 'n capu la niunata lista di Allianza Siciliana: a l'elizzioni riggiunali dû 2006 si cunfruntau cu li principali candidati, Rita Borsellinu (centru-manca) e Totò Cuffaru (centru-dritta), pigghiannu lu 5,3% dê prifirenzi contru ê 53,1 % di Cuffaru e lu 43,6% dâ Borsellinu.
'N sècutu a ripituti minazzi mafiusi stavi di anni sutta scorta.
