User talk:Santu
Di Wikipedia, l'enciclopedìa lìbbira.
Bonvinutu ntâ Wikipedìa siciliana! --Sarvaturi 16:53, 9 Marzu 2007 (UTC)
Ìndici |
[cancia] Elizzioni
Ciau Santu. Ti nformu ca ci sunnu elezzioni 'n cursu (pi nu novu amministraturi e pi nu novu bureaucrat). Tu sî nvitatu a vutari. Salutamu! --Sarvaturi 13:09, 11 Marzu 2007 (UTC)
[cancia] 'Nfurmazioni
Ciau SARVATURI.
Non sugnu tantu praticu e volissi sapiri comu si vota e cu sù i cantitati.
Salutamu.
Dudici Marzu dumilaesetti
- Ciau Santu,
-> pi vutari pi lu novu amministraturi (si chiama Anakletos), pi fauri hai a jiri ccà e scrivi lu tò nomu sutta "pro" o sutta "contra".
-> pi vutari pi lu novu burocrati (sugnu ju Turi), pi fauri hai a jiri ccà e scrivi lu tò nomu sutta "pro" o sutta "contra".
Salutamu!
--Sarvaturi 19:29, 12 Marzu 2007 (UTC)
[cancia] Vera - Guera - Verra - Guerra
Ciau Santu, grazzi pi lu tò missaggiu assai ntirissanti. Haiu faciutu nu redirect Vera pi la palora bedda c'usava la tò nanna. Grazzi ancora pi li spiegazzioni. Salutamu. --Sarvaturi 10:37, 14 Marzu 2007 (UTC)
[cancia] Prisintazzioni
Ciau Santu, forsi ni putissi diri n'anticchia supra cu sî nta la tò pàggina d'utenti, comu fici Anakletos. Salutamu! --Sarvaturi 12:43, 14 Marzu 2007 (UTC)
- Bravu, grazzi assai pi la tò prisintazzioni biddìssima! A la facci dû munnu nteru jittamu vuci: "Nuàutri semu un pòpulu pi sempri!" Salutamu. --Sarvaturi 19:00, 14 Marzu 2007 (UTC)
- Ciau, Santu. La tò prisintazzioni mi fcii pinsari ô Gattupardu di Giuseppi Tomasi di Lampidusa, chi fa diri a Don Fabrizziu Nuatri semu Dei! Salutamu. Peppi --Gmelfi 08:46, 15 Marzu 2007 (UTC)
- Ciau Santuzzu, pi daveru tant'assai cumprimenti t'hai a fari pi chiddu ca lassassi scrivutu ntâ tò prisintazzioni. M'allinchi lu còri di piaciri ogni vòta ca spuntunu pirsuni cchê tò stissi pinzeri, cu tò urgogghiu di èssiri Sicilianu e ccâ tò valìa di canusciri, di scupriri e di nfurmariti supra la nostra bedda matri terra Sicilia. Sî a Peppi facissi pinzari a Tomasi di Lampedusa, a mia mi facissi acchianari ntâ testa sti palòri prununziati di Giuvanni Falconi: Sî ni rinnissumu cuntu ca lu Sicilianu è prima di tuttu Sicilianu, appoi dutturi, avvucatu o pulizziottu, si capissi già megghiu. Salutamu e rispittamu. --Anakletos 13:43, 15 Marzu 2007 (UTC)
- Carusi, mi facisturu affruntari... di tanti comprimenti.
GRAZZI
Santu
15 Marzu 2007
[cancia] Dapallira
Ciau Santu, t'arringrazziu pi lu tò missaggiu. Haiu fattu zoccu m'addumannasti. Ju cridìa ca fussi na bona cosa scrìviri accussì ('n modu etimològgicu) sta sprissioni siciliana di Catania, ma criju ca sî tu c'hai raggiuni: è prubbabbirmenti cchiù megghiu scrìviri "Dapallira" pirchì è na forma cumposta. Grazzi ancora. Salutamu! --Sarvaturi 16:53, 17 Marzu 2007 (UTC)
[cancia] Tiritera/Filastrocca
Ciau Santu, grazzi assai pi lu tò missaggiu. Hai raggiuni "filastrocca" è na palora taliana. Tu mi dici ca la palora bedda "tiritera" è usata a Catania, ma ju nun sacciu siddu è la palora la cchiù siciliana. Criju ca Pippu (iddu ci havi lu dizziunariu di Piccittu ca porta li palori siciliani cu li zoni) ti poti diri chi palora siciliana s'havi a usari nta stu casu, zoè chi è la palora la cchiù panziciliana (tiritera o n'àutra?). Haiu lassatu nu missaggiu a Pippu supra la sò pàggina di discussioni. Aspittamu la sò risposta. Salutamu! --Sarvaturi 16:38, 20 Marzu 2007 (UTC)
- Ciau Santu, finarmenti, doppu la discussioni "Tiritera o filastrocca?" ntâ pàggina di discussioni di Pippu, pari ca la megghiu forma (chidda cchiù panziciliana) è n'àutra forma: "filastròccula". Ntâ pàggina Filastròccula, haiu mittutu la sprissioni Tiriteri catanisi ma spiegannu a latu ca sta sprissioni voli diri "filastròcculi catanisi". E haiu faciutu un redirect di "tiritera" a "filastròccula", pirchì mi pari mpurtanti appuntari sta palora catanisa bedda "tiritera" ca ju, tu, e Peppi canuscemu. Salutamu! --Sarvaturi 02:32, 22 Marzu 2007 (UTC)
- Ciau Santu. Grazzi pi lu tò missaggiu. Mancu ju sugnu un studiusu dê palori. Sapiri chi palora siciliana scègghiri, o comu scrìviri na palora siciliana è na chistioni d'abbitùtini, comu pi ogni lingua (spagnolu, francisi, talianu, ecc.). Nun ti prioccupari pi li tò artìculi: pi mia sunnu boni e beddi, e quannu tu ti scordi di scrìviri n'accentu scrittu, l'àutri currègginu sùbbitu (spissu sugnu ju a fàrilu pirchì mi piaci lèggiri lu sicilianu). A nomu di tutti li siciliani e di tutti li figghi d'emigrati siciliani, ju t'arringrazziu pi cuntinuari a scrìviri 'n sicilianu. --Sarvaturi 13:51, 22 Marzu 2007 (UTC)
[cancia] Wikificazzioni
Ciau, Santu. Li tò artìculi mi piaciunu assai. Mi pirmisi di curreggiri la forma, lassannu ntattu lu cuntinutu, e t'arringrazziu chi mi dicisti chi ti piaci megghiu comu lu canciai. Purtroppu nun ci haiu lu tempu di canciari tutti l'articuli chi scrivisti, e allura ci juncii sulu na banniruzza pi nvitari chiddi chi hannu lu tempu di adattari l'articulu secunnu na forma enciclopèdica. Quarchi vota manca na ntroduzzioni. Spissu mancanu li liami blu, e forra megghiu spàrtiri l'artìculu cu paràgrafi. Na cosa bona forra puru di junciri quarchi fotu. Ci nni sunnu na caterva nti commons. Tuttu chistu pi diri chi nun t'hai a prioccupari. Picca a picca ti ci abbitui e ti nsigni a usari tutti li funzioni cchiù avanzati dâ ridazzioni di l'articuli. Salutamu. --Gmelfi 12:19, 4 Aprili 2007 (UTC) Peppi.
[cancia] Cumprimenti
Ciau Santu, ti mannu li mè cumprimenti pi li tò tanti cuntribbuti boni nta l'artìculi currilati a la cità bedda di Catania:
Sant'Àjta li Vattiati, Trimmisteri, Storia di Catania nta l’èbbica rumana, Storia di Catania ntà l’èbbica greca, Catania arrubbata di lu Prituri Verre nta l'èbbica rumana, Sprissioni catanisi - Modi di diri, Dapallira dô buggu, La liggenna di li frati pii, ecc. Salutamu! --Sarvaturi 07:39, 9 Aprili 2007 (UTC)
[cancia] Tu sî un pueta
Ciau Santu, t'arringrazziu assai pi li cumprimenti ca mannasti a mia (e a l'àutri cullabburaturi) di sta wikipedìa bedda. Salutamu e a prestu! --Sarvaturi 13:08, 13 Aprili 2007 (UTC)
