Telescopiu
Di Wikipedia, l'enciclopedìa lìbbira.
Lu Telescopiu (parola cumposta di tele e scopio ca voli diri "vidiri luntanu") è nu strumentu chi pirmetti di vidiri l'uggetti luntani. Appi na mpurtanza enormi pi putiri stabbiliri quali teorî supra l'universu èrinu veri.
Nurmalmenti si dici ca fu un fabbricanti di lenti ulannisi, Hans Lippershey, a fari lu primu Telescopiu ntornu a lu 1608.
Però fu Galileu Galilei ca nta lu 1609 reggistrò lu primu telescopiu ufficiali. Grazzî a iddu fici granni scuperti nta lu campu di l'astronumia ntra li quali una di li cchiù mpurtanti fu chidda dû 7 di jinnaru dû 1610 quannu scuprìu quattru luni di Giovi.
Esìstinu vari tipi di telescopi. Quannu si parra di telescopi, ci si rifirisci suprattuttu a chiddi òttici. Ntra chisti ci nni sunnu di dui tipi: chiddi rifratturi e chiddi riflitturi.
