Ministria e Brendshme e Shqipërisë
Nga Wikipedia, Enciklopedia e Lirë
Ministria e Rendit Publik është krijuar menjëherë pas shpalljes së pavarësisë dhe krijimit të shtetit modern shqiptar më 28 nëntor, 1912. Me Dekretin e Kryetarit të Qeverisë të datës 4 dhjetor, 1912 ajo është quajtur Ministria e Brendshme, emërtim të cilin e ka mbajtur deri në vitin 1945. Pas kësaj periudhe ajo është quajtur Ministria e Punëve të Brendshme. Me ndryshimet demokratike të realizuara në vendin tonë, pas vitit 1992 ajo mori emërtimin Ministria e Rendit Publik, duke u ndarë prej saj strukturat e shërbimit sekret e të qeverisjes vendore. Ndërtesa e Ministrisë së Rendit Publik ndodhet në Tiranë pranë Sheshit Skënderbej, në b1lokun e ndërtesave të ministrive e të institucioneve të tjera qëndrore të Shtetit Shqiptar, të cilat kanë përfunduar së ndërtuari në fund të viteve '30. Ndërtesa aktuale e Ministrisë së Rendit Publik daton si e tillë që nga viti 1945.
