RTK
Nga Wikipedia, Enciklopedia e Lirë
Radio Televizioni i Kosovës (shkurt: RTK) është transmetues publik informativ, kulturor, dhe arsimor i Kosovës. Financimi i RTK-se bëhet nëpërmjet taksës shtuar faturave për pagesën e rrymës elektrike, gjë qe përkrahësit e tij besojnë se do të ndihmoj në ruajtjen a paanshmërisë. RTK ka të ardhura edhe nga reklamat. I themeluar me një rregullore të UNMIK-ut në vitin 1999, ky organ është ndihmuar nga televizionet simotra në Evropë dhe Japoni.
RTK transmeton kanalin televiziv RTK1 dhe kanalet radiofonike Radio Kosova dhe Radio Blue Sky. Programet në gjuhën shqipe dominojnë, por nuk mungojnë as ato në gjuhët serbe, boshnjake, turke dhe rome. Ueb faqja e RTK-së, RTKlive.com ofron lajme dhe video material si dhe transmetim të drejtpërdrejtë në internet nga të dy radiot.
Që nga themelimi, RTK udhëheq valët e Kosovës për nga besueshmëria, Programi i mëngjesit në RTK, është një program informativ-argëtues, i përditshëm, me kohëzgjatje 2 orë e 30 minuta. I dedikohet një audience të gjerë. Ka një shikueshmëri shumë të madhe. Është emisioni më i shikuar në Kosovë.
[redaktoni] Emisionet
- Familja moderne
- Kafeneja Jonë - Te Oki
- Frekuenca e Quzës
- Përallë me Tupan
