Bali (anatomi)
Ti Wikipédia, énsiklopédi bébas
Bali atawa plasénta téh nyaéta organ efemeral (témporér) nu ukur aya di mamalia plaséntal bikang nalika reuneuh.
Bali téh diwangun ku dua bagian, nu salahsahijina sacara genetis jeung biologis mangrupakeun bagian ti fétus. Plasénta "naplok" dina pinding rahim, tempat nampa zat gizi tina getih indungna sarta ngaluarkeun runtah. Interfase ieu ngabentuk bénténg, bénténg plasénta, nu nyaring rupa-rupa zat nu bisa nyilakakeun fétus. Aya ogé nu teu kasaring, saperti alkohol jeung virus.
Pikeun fungsi transfer gas jeung zat gizi, bali ogé boga aktivitas métabolik jeung éndokrin. Bali ngahasilkeun, di antawis hormon lianna, progéstéron nu penting pikeun miara kondisi kandungan, jeung somatomammotropin (ogé katelah Laktogén Plasénta) nu meta pikeun ngaronjatkeun kadar glukosa jeung lipid dina getih indung. Hasilna mangrupa ngaronjatna transfer zat-zat gizi ka fétus sarta jadi sabab ngaronjatna kadar gula getih nalika kakandungan.
Bali disambungkeun ka fétus ku ari-ari nu mangrupa saluran-saluran getih jeung jaringan konéktif. Nalika fétusna borojol, balina nuturkeun. Sanggeus balina kaluar, ari-ari biasana pegat sacara alami. Dina kalolobaan spésiés mamalia, indungna sok ngégél ari-ari sarta ngahakan balina.
Tempat napelna ari-ari dina beuteung disebut umbilicus, bujal téa.
[édit] Baca ogé
- Plaséntofagi
[édit] Rujukan
- Placenta, Wikipédia édisi basa Inggris per 14 Désémber 2005
- marsupial
- About Marsupials
| Sistim éndokrin - édit |
|---|
| Kelenjar adrénal | Corpus luteum | Hipotalamus | Ginjal | Ovarium | Pangkréas | Kelenjar paratiroid | Kelenjar pinéal | Kelenjar pituitari | Téstis | Tiroid |
