Méong Congkok
Ti Wikipédia, énsiklopédi bébas
|
Méong Congkok Status konservasi: Lower risk
|
|||||||||||||||||
|---|---|---|---|---|---|---|---|---|---|---|---|---|---|---|---|---|---|
 |
|||||||||||||||||
| Klasifikasi ilmiah | |||||||||||||||||
|
|||||||||||||||||
|
|
|||||||||||||||||
| Felis bengalensis (Kerr, 1792) |
|||||||||||||||||
|
|
Méong Congkok (Asian Leopard Cat, Prionailurus bengalensis atawa Felis bengalensis) téh ucing liar leutik pituin Asia Tenggara. Kurang/leuwihna mah awak méong congkok téh sarua jeung ucing inguan, tapi di sababaraha wewengkon mah béda: di Indonésia , panjangna téh 45 cm, ditambah buntut 20 cm, sedengkeun nu di wewengkon Amur mah panjangna 60 cm/40 cm. Buluna ogé rupa-rupa: di wewengkon kidul mah kelirna konéng, sedengekun di wewengkon kalér mah hawuk semu pérak, tapi lebah dada jeung bagian handap huluna mah sarua bodas. Bentuk polétna aya dua rupa: tutul atawa kembang (sigana mah gumantung kana subspésiésna).
Habitat méong congkok mangrupa leuweung, utamana leuweung hujan, boh di pagunungan (nepi ka 3000 m lbl) atawa di padataran. Jajahanana tara jauh ti aliran cai (walungan atawa susukan), pinter tétérékélan dina tatangkalan, tapi ogé pintewr ngojay.
Méong congkok téh sato nu liar peuting, nu biasana ngahakan rodénsia, manuk, lauk, réptil, kalong, jeung mamalia leutik. Mun hirupna deukeut ka padumukan jelema, utamana nu barang kukut, ieu sato téh bisa jadi hama, sabab bisa ngamangsa sato ingon (nu leutik). Kabiasaanana nyorangan (solitér), iwal mun usum kawin. Sakali anakan jumlahna 2-4, kalawan mangsa reuneuh lilana 65-70 poé.
[édit] Subspésiés
- Prionailurus bengalensis bengalensis, India, Bangladés, Asia Tenggara darat, Yunan
- Prionailurus bengalensis borneoensis, Kalimantan
- Prionailurus bengalensis chinensis, Cina, Taiwan
- Prionailurus bengalensis euptailura, Siberia wétan, Mongolia
- Prionailurus bengalensis horsfieldi, Himalaya
- Prionailurus bengalensis iriomotensis, Iriomoté
- Prionailurus bengalensis javaensis, Jawa
- Prionailurus bengalensis manchurica, Mansuria
- Prionailurus bengalensis minutus, Pilipina
- Prionailurus bengalensis sumatranus, Sumatra
- Prionailurus bengalensis trevelyani, Pakistan wétan
Méong Iriomoté, subspésis ti Jepang, ukur aya di pulo Iriomoté. Nalika kapanggih taun 1967, ieu méong disangka sésa nu salamét ti bangsa ucing nu geus lastari, sahingga ditempatkeun dina genus nu misah: Mayailurus. Najan ayeuna mah anggapan ieu téh geus teu diaku, sabagian mah aya kénéh nu nganggap méong Iriomoté salaku spésiés nu misah, alatan bédana ti Méong Congkok lianna: buluna coklat, buntutna gomplok kandel, sarta teu bisa nilepkeun kukuna. Pikeun masarakat Iriomoté, ieu méong katelah Yamamayaa (hartina "ucing gunung") atawa Yamapikaryaa ("ucing gunung nu panonna hurung") atawa Pingiimayaa ("ucing mabur"). Méong Iriomoté mangrupakeun subspésiés nu paling kaancam lastari, sabab populasina kiwari teu leuwih ti saratus.
Méong Tsushima kakara kapanggih taun 1988. Ieu ogé mimitina mah dianggap spésiés séjén, tapi terus jadi subspésiés Méong Congkok ti Mansuria (P. b. manchurica).
Méong Congkok kadang ditéwak sarta dikawinkeun jeung ucing inguan pikeun ngahasilkeun Ucing Bengali nu dedeganana sarupa, tapi lindeuk[1].
[édit] Sumber rujukan
- Leopard Cat, Wikipédia édisi basa Inggris (9 Juni 2006)
- Kristin Nowell & Peter Jackson (1996). Wild Cats: status survey and conservation action plan. IUCN.ISBN 2-8317-0045-0
