வாசஸ்பதி

கட்டற்ற கலைக்களஞ்சியமான விக்கிபீடியாவில் இருந்து.

வாசஸ்பதி 64வது மேளகர்த்தா இராகம். எப்பொழுதும் பாடக்கூடியது.

ஆரோகணம்:	ஸ ரி2 க3 ம2 ப த2 நி2 ஸ்
அவரோகணம்:	ஸ் நி2 த2 ப ம2 க3 ரி2 ஸ

[தொகு] இதர அம்சங்கள்

• "ருத்ர" என்றழைக்கப் படும் 11வது சக்கரத்தில் 4 வது மேளம். 28வது மேளமாகிய ஹரிகாம்போஜியின் நேர் பிரதி மத்திம மேளம் ஆகும். பிரத்தியாகத கமகம் இதற்கு அழகைக் கொடுக்கின்றது.

• இந்த இராகத்தில் ஷட்ஜம், சதுஸ்ருதி ரிஷபம் (ரி₂), அந்தர காந்தாரம் (க₃), பிரதி மத்திமம் (ம₂), பஞ்சமம், சதுஸ்ருதி தைவதம் (த₂), கைசிகி நிஷாதம் (நி₂) ஆகிய சுரங்கள் வருகின்றன.

• அசம்பூர்ண மேளபத்ததியில் இந்த இராகத்திற்கு பூஷாவதி என்று பெயர்.

• மூர்ச்சனாகாரக மேளம். இதன் ரிஷப, பஞ்சம, தைவத மூர்ச்சனைகள் முறையே சாருகேசி (26), கௌரிமனோகரி (23), நாடகப்பிரியா (10) ஆகிய மேளங்களைத் தோற்றுவிக்கின்றன.

[தொகு] உருப்படிகள்

1. கிருதி : கண்ட சூடுமீ - ஆதி - தியாகராஜர்.
2. கிருதி : அன்பருளம் - ஆதி - இலட்சுமணப்பிள்ளை.
3. கிருதி : வேறு துணை - ரூபகம் - இராமசாமி சிவன்
4. கிருதி : இகபரசுக - ரூபகம் - கோடீஸ்வர ஐயர்.
5. கிருதி : பராத்பர - ஆதி - பாபநாசம் சிவன்.