భక్తప్రహ్లాద (సినిమా)
వికీపీడియా నుండి
అయోమయ నివృత్తి పేజీ భక్త ప్రహ్లాద చూడండి
| భక్తప్రహ్లాద (1931) | |
 |
|
|---|---|
| దర్శకత్వం | హెచ్.ఎం.రెడ్డి |
| నిర్మాణం | హెచ్.ఎం.రెడ్డి |
| రచన | సురభి నాటక సమాజము |
| తారాగణం | మునిపల్లె సుబ్బయ్య, సురభి కమలాబాయి, షిండే కృష్ణారావు, ఎల్.వి.ప్రసాద్, దొరస్వామినాయుడు, బీ.వి.సుబ్బారావు, చిత్రపు నరసింహారావు |
| సంగీతం | హెచ్.ఆర్.పద్మనాభశాస్త్రి |
| గీతరచన | చందాల కేశవదాసు |
| ఛాయాగ్రహణం | గోవర్ధన్ భాయి పటేల్ |
| నిర్మాణ సంస్థ | భారత్ మూవీ టోన్ |
| నిడివి | 108 నిమిషాలు |
| భాష | తెలుగు |
| పెట్టుబడి | 20 వేలు |
| ఐ.ఎమ్.డీ.బి పేజీ | |
భక్తప్రహ్లాద తొలి తెలుగు టాకీ చిత్రము. హెచ్.ఎం.రెడ్డి నిర్మించిన ఈ చిత్రము సెప్టెంబర్ 15, 1931న విడుదలైనది. హిందీలో తొలి టాకీ ‘ఆలం ఆరా’ అర్దేషిర్‌ ఇరానీ తీశాడు. ఆయనకి తెలుగులోనూ, తమిళంలోనూ కూడా చిత్రాలు తియ్యాలనిపించింది. హెచ్.ఎమ్.రెడ్డి తెలుగువాడు గనక తెలుగు ‘భక్తప్రహ్లాద’ని , తమిళ 'కాళిదాసు'ని ఆయనకు అప్పజెప్పారు.
అప్పట్లో ధర్మవరం రామకృష్ణమాచార్యులు రచించిన "భక్త ప్రహ్లాద" నాటకాన్ని సురభి నాటక సమాజం వారు వేస్తుండేవారు. ఆ నాటకసమాజంవారిని బొంబాయి పిలిపించి, వారితో చర్చించి, సినిమా ప్రణాళిక సిద్ధం చేసుకున్నారు. ఈ చిత్రాన్ని బొంబాయిలోని కృష్ణామూవీటోన్ స్టూడియోలో తీశారు.
అప్పుడు ఈ చిత్ర నిర్మాణ వ్యయం 20వేల రూపాయలు. చిత్రం బాగా విజయవంతమయ్యింది.
[మార్చు] తారాగణము
- మునిపల్లె సుబ్బయ్య - హిరణ్యకశిపుడు
- సురభి కమలాబాయి - లీలావతి
- షిండే కృష్ణా రావు - ప్రహ్లాదుడు
- ఎల్.వి.ప్రసాద్ - మొద్దబ్బాయి (ప్రహ్లాదుని సహాధ్యాయి)
- దొరస్వామినాయుడు - ఇంద్రుడు
- బీ.వి.సుబ్బారావు
- చిత్రపు నరసింహారావు
[మార్చు] మరికొన్ని విశేషాలు
- ఈ చిత్రంలో లీలావతిగా నటించిన సురభి కమలాబాయికి మొదట 500 రూపాయలు పారితోషికంగా నిర్ణయించారు. కాని ఆమె నటనను హర్షించి నిర్మాత వెయ్యినూటపదహార్లు బహూకరించి రైలు ఖర్చులు కూడా ఇచ్చారు.
- ఇందులో ప్రహ్లాదుని పాత్ర పోషించిన కృష్ణారావుకు 400 రూపాయలు పారితోషికం. ఈ తెలుగు టాకీ హీరో అప్పటి వయసు 9 సంవత్సరాలు. తరువాత ఈయన కిరాణా కొట్టు నడుపుకున్నాడు. ఆర్ధికంగా చాలా ఇబ్బందులు పడ్డాడు. 2001లో సినీ ఆర్టిస్టుల సంఘం ఈయనను సన్మానించి కొంత ఆర్ధిక సహాయం అందజేశారు.
[మార్చు] బయటి లింకులు, వనరులు
- సినీగోవర్.కాం లో భక్తప్రహ్లాద గురించి
- రావికొండలరావు వ్యాసం 'బ్లాక్ అండ్ వైట్ - చలనచిత్ర వ్యాస సంపుటి' లోనిది
- వార్త తెలుగు దినపత్రికలో 14/9/2006 న ప్రచురితమైన వ్యాసం. రచన: సి.హెచ్.మోహనరావు
