Kris Aquino
Mula sa Tagalog Wikipedia, ang malayang ensiklopedya.
| Kris Aquino | |
| Tunay na pangalan: | Kristina Bernadette Cojuangco Aquino |
| Petsa ng kapanganakan: | Pebrero 14, 1971 |
| Pook ng kapanganakan: | Lungsod Quezon, Kalakhang Maynila, Pilipinas |
|---|---|
| Kilalang pagganap: | host ng Kapamilya, Deal or No Deal |
Si Kris o Kristina Bernadette Cojuangco Aquino-Yap (ipinanganak noong Pebrero 14, 1971 sa Lungsod Quezon) ay isang Pilipinang aktres sa telebisyon at mga pelikula. Siya ang panlima at bunsog anak nina dating Pangulong Corazon Aquino, at Benigno Aquino, Jr., isang sikat na senador ng oposisyon na kontra sa administrasyon ni Ferdinand Marcos.
Unang nakilala si Aquino sa mga welga laban sa pamahalaang Marcos lalo na nang sumikat ang kanyang ina sa pulitika. Nang napatalsik si Ferdinand Marcos noong 1986, pinasok niya ang showbiz. Nagsimula siya sa mga guest spots sa mga drama at komedya sa telebisyon, maging ang mga talk shows. Ang unang pelikula niya ay ang Pido Dida kasama si Rene Requiestas, isang aktor ng komedya.
Naging nominado siya para sa pelikulang The Fatima Buen Story. Kasama rin siya sa pelikulang The Vizconde Massacre. Ang pagtabo sa takilya at sunod-sunod na mga pelikula ukol sa mga massacre ang nagbigay sa kanya ng bansag na "Massacre Queen" ng ilang showbiz reporters.
Nang bumagal na ang kanyang career sa paggawa ng pelikula, pinasok niya ang telebisyon bilang isang talk show host. Pagkaraang magkaroon ng dalawang talk shows, kinuha siya ng ABS-CBN at pinangunahan ang Today with Kris Aquino. Naging host din siya ng Morning Girls, The Buzz, at Pilipinas, Game Ka Na Ba?. Sa kasalukuyan ay host din siya ng Kapamilya, Deal or No Deal.
[baguhin] Pelikula
- Sukob (2006)
- So... Happy Together (2004)
- Feng Shui (2004)
- Mano Po 2: My Home (2003)
- You and Me Against the World (2003)
- Dekada '70 (2002)
- Mano Po (2002)
- Jologs (2002)
- Hiwaga ng Panday (1998)
- Saan Ako Nagkamali (1995)
- Bakit pa Kita Minahal (1994)
- The Fatima Buen Story (1994)
- Tasya Fantasia (1994)
- The Elsa Castillo Story... Ang Katotohanan (1994)
- Geron Olivar (1993)
- Humanda ka Mayor (1993)
- Vizconde Massacre (1993)
- Mahal Kita Walang Iba (1992)
- Pido Dida 3: May Kambal na (1992)
- Ang Siga at ang Sosyal (1992)
- Kai Xin Gui Shang Cuo Shen (1991)
- Pido Dida 2: Kasal na (1991)
- Shake, Rattle & Roll III (1991)
- Pangako ng Puso (1990)
- Pido Dida: Sabay Tayo (1990)
[baguhin] Telebisyon
- Kapamilya, Deal or No Deal (2006) - ABS CBN
- Hiram (2004) - ABS CBN
- Good Morning, Kris (2004) - ABS CBN
- Morning Girls with Kris and Korina (2004) - ABS CBN
- Morning Girls (2004) - ABS CBN
- Balitang Kris (2004) - ABS CBN
- Kris and Tell (2001) - ABS CBN
- Game KNB? (2001) - ABS CBN
- The Buzz (2001) - ABS CBN
- Puwedeng-Puwede (1999) - ABS CBN
- Today with Kris Aquino (1995) - ABS CBN
- Startalk (1994) - GMA
- The Kris Aquino Show (1994) - PTV
