Mobile Suit Gundam SEED

Mula sa Tagalog Wikipedia, ang malayang ensiklopedya.

Mobile Suit Gundam SEED
機動戦士ガンダムSEED (Kidou Senshi Gundam SEED)
Dibisyon	Mecha, Kathang-isip na agham, Aksyon, Drama
TV anime
Sa direksyon ni	Mitsuo Fukuda
Istudyo	Sunrise
Network	Mainichi Broadcasting System, Tokyo Broadcasting System Cartoon Network ABS-CBN, Hero TV
Orihinal na ere	Oktubre 5, 2002 – Setyembre 9, 2003
Blg. ng kabanata	50

Ang Mobile Suit Gundam SEED (o Gundam SEED) ay isang seryeng pantelebisyong anime mula sa Japan. Bahagi ito ng franchise o prangkisa na Gundam na sinimulan noong 1979 bagaman nangyayari sa ibang santinakpan na tinatawag na Cosmic Era

Mga nilalaman 1 Pagpapalabas sa Pilipinas 2 Kwento 3 Mga nagboses sa wikang Hapon 4 Pagpapalabas sa Canada, at sa Hapon

[baguhin] Pagpapalabas sa Pilipinas

Ang anime na ito ay unang ipinalabas sa Pilipinas sa pamamgitan ng ABS-CBN noong Disyembre 20 2004, (kasagsagan ng pagkamatay ni Fernando Poe, Jr.). Ito ay unang ipinalabas sa oras na ika-6 ng Gabi, bago ang balitaang TV Patrol World. Ipinalabas din ito sa mga istasyon (mga pag-aari ng istasyon at mga affiliated stations) ng ABS-CBN sa buong bansa sa mas maagang oras. Ngunit nang kalaunan, binago ito sa alas-5:30 ng hapon para magbigay daan sa programang Search for the Star in a Million : The Road to Stardom. Tinangkilik ito ng mga Anime Otaku sa Pilipinas dahil sa mahusay na pagkakagawa ng mga disenyo at sa pagboboses ng mga karakter nito.

Ito ay idinirehe ni Michael Punzalan at pinagbobosesan sa wikang Tagalog nina:

• Kira Yamato, Fredrik Ades, William Sutherland - Michael Punzalan
• Athrun Zala - Louie Paraboles
• Lacus Clyne - Wendy Villacorta
• Fllay Allster - Katherine Masilungan
• Cagalli Yula Athha, Natarle Badgiruel - Maripette Narvasa
• Sai Argyle,Yzak Joule - Jefferson Utanes
• Mu La Flaga - Alexx Agcaoili
• Murrue Ramius - Daisy Mae Cariño
• Dearka Elsman, Patrick Zala - Bernardo Malejana
• Rau Le Creuset - Rafael Miranda
• Mayura Labatt - Celeste Dela Cruz
• Martin DeCosta - Eric Galvez
• Andrew Watfield - JR Flores
• Uzumi Nara Athha, Muruta Azrael - Maynard Llames

[baguhin] Kwento

Sa panahon ng Cosmic Era(CE), dalawang pwersa ang naglalaban, Ang Earth Alliance Force na binubuo ng mga Naturals o ordinaryong tao at ang ZAFT(Zodiac Alliance of Freedom Treaty) na binubuo ng mga Coordinators o mga genetically-modified na tao. Mga kolonyalista sa kalawakan ang mga Coordinators habang mga taga mundo ang mga Naturals. Ang alitan ng mga Naturals at Coordinators ang nag bigay daan sa Digmaang Bloody Valentine. Ang kwento ay iikot sa isang binatang lalaki na si Kira Yamato na naging piloto ng GAT-X105 Strike. Magiging mahigpit niyang kalaban ang kanyang matalik na kaibigan na si Athrun Zala na piloto ang GAT-X303 Aegis. Habang tumatagal, makikilala ni Kira ang iba't-ibang tao gaya ni Mu La Flaga, ang tanyag na "Hawk of Endymion", Murrue Ramius, ang kapitan ng Archangel, Cagalli Yula Athha, ang anak ng Orb Representative Uzumi Nara Athha at ang kanyang nawawalang kambal na babae, Flay Allster, anak ng Atlantic Federation minister George Allster na umakit kay Kira at ang crew ng warship na Archangel. Nang pinatay ni Kira ang kaibigan ni Athrun na si Nicol Amalfi, lubos na nagalit si Athrun at pinasabog ang Aegis sa harapan ng Strike. Sa nagdalamhati ang buong Archangel at galit na galit si Cagalli kay Athrun. Walang kaalam-alam ang lahat na si Kira ay inaalagaan ni Lacus Clyne, ang sikat na singer sa PLANTs at anak ni Siegel Clyne. Tinulungan ni Lacus si Kira sa pagnakaw ng ZGMF-X10A Freedom. Sa labanan ng JOSH-A, bumalik si Kira at dito tumiwalag sa Earth Alliance Force ang Archangel at pumanig sa Orb Union. Sa Orb din nagkaayos sina Kira at Athrun at opisyal na tumiwalag sa ZAFT si Athrun at ang kasamahang si Dearka Elsman na noo'y bilanggo ng Archangel. Nang papalapit na sa katapusan ang serye, naganap sa kalawakan ang mga pinakamatinding laban ng EAF at ZAFT. Dito nabuo ang Three Ship Alliance. Hinarap nila ang ZAFT at EAF para tigilin na ang giyera. Hinarap din nila ang pinakamalakas na sandata ng ZAFT, ang GENESIS. Hinarap ni Kira sa Rau Le Creuset, ang masamang ZAFT superior na gustong wasakin ang sangkatauhan, at dito niya nalaman ang maraming sekreto sa kanyang nakaraan. Nalaman niya na siya ang "Ultimate Coordinator" at kambal niya si Cagalli. Nalaman rin ni Mu na si Raw ay kanyang kapatid dahil isa siyang clone ng kanyang ama na si Al La Flaga. Si Raw rin ang pumatay sa totoong magulang ni Kira at Mu. Unang hinarap ni Mu si Raw pero tinakasan niya ito dahil sa pinsala ng kanyang Strike. Nang pasasabugan sana ng Dominion na pinamumunuan ni Natarle Badgiruel, dating nasa Archangel, ang Archangel, pinigil ni Mu ang malakas na atake ng Dominion at sumabog ang kanyang mobile suit(pero sa malalaman sa Gundam Seed Destiny na nakaligtas siya sa pagsabog). Si Kira ang humarap kay Raw at tinalo niya ito pero wasak na wasak ang kanyang Freedom. Si Athrun naman at si Cagalli ang pumigil sa GENESIS. Sa labanan sa kalawakan dito natapos ang Digmaang Bloody Valentine.

[baguhin] Mga nagboses sa wikang Hapon

• Akira Ishida bilang Athrun Zala
• Souichiro Hoshi bilang Kira Yamato
• Rie Tanaka bilang Lacus Clyne
• Naomi Shindoh bilang Cagalli Yula Athha

Natapos ang serye noong Marso 4, 2005 (isang linggong huli sa dapat nitong araw ng katapusan, Pebrero 25, 2005, araw ng ika-19 EDSA Reboulusyon) at ito ay pinalitan ng Naruto.

Makalipas ang ilang buwan, umere ang bagong anime channel ng ABS-CBN, ang Hero TV, dito ulit nasilayan ang serye. Noong Oktubre ng 2005, mga 7 buwan makalipas ang pagtatapos ng serye, ipinalabas ulit ito sa ABS-CBN tuwing Sabado ng ika-7 ng umaga, pagkatapos ng Salamat Dok. Huling nakita ito sa ABS-CBN Channel 2 noong Enero 21, 2006. Sa kasalukuyan ito ay ipinalalabas sa Hero TV.

[baguhin] Pagpapalabas sa Canada, at sa Hapon

Unang ipinalabas ang serye sa bansang Hapon noong Oktubre 25, 2002 hanggang Setyembre 7, 2003 sa lahat ng Japan News Network stations sa buong Hapon (kasama ang Lead Network ng JNN na Tokyo Broadcasting System at ang Producing Network na Mainichi Broadcasting System). Ito ay ipinalabas tuwing Sabado, ika-6 ng gabi, oras sa Tokyo (ika-5 ng hapon oras sa Maynila)

Sa Canada, nagsimulang umere ang serye sa YTV sa kanilang "Bionix block" noong Setyembre 2004.