Улӥсьёс

Материал из Wikipedia.

Музъем вылын улӥсьёслэн лыдзы таӵе вылэм: палеолит вапумлэн пумаз (эрамылэсь азьвыл ог 15 сюрс ар), демографъёслэн малпамзыя, ог куинь миллион луиз, неолит вапумлэн пумаз (эрамылэсь азьвыл ог кык сюрс ар) – 50 млн, эрамылэн кутсконаз Музъем вылын ог 230 млн адями улӥз, эрамылэн I тысячелетиезлэн пумаз вань адямиослэн лыдзы ог 275 миллион вылэм, нош 1800 соослэн лыдзы миллиардозь йылӥз ини. 1900 аре Музъем вылын 1,6 миллиард адями улӥз, 1960 аре – ог куинь миллиард, 1993 аре – 5,5 млрд, нош 2003 аре со лыдпус эшшо ӝутскиз на (6,3 млрд адями). 1990-тӥ аръёсы Музъем вылын улӥсьёслэн лыдзы арлы быдэ ог 70 млн адямиослы йылэ вал. Демографъёслэн чакламзыя, 2050 адямиослэн огъя лыдзы 9 миллиардозь йылоз шуыса возьмано.

1993 аре Европаын 728 млн адями улӥз, Азиын – 3 336, Африкаын – 670, Уйпал Америкаын но Шоретӥ Америкаын – 442, Лымшор Америкаын – 308, Австралиын но Океаниын – 28 млн адями..

2005 аре улӥсьёслэн лыдзыя уката ик бадӟымесь кунъёс пӧлы пыро вал: Китай – 1 310,6 млн, Индия – 1 027,6, США – 283,2, Индонезия – 216,2, Бразилия – 186,5 но Россия – 145 млн.

[Тупатыны] Со сяна

Улӥсьёссылэн лыдзыя радъям кунъёс